NAHUM 1:5 - OTSAO BAIBEL (BSI)

⁵ Jowanpa miksho ma haxnubu file pao; chix pomtho ma haxhuabu chule pao. Jowanpa ngaipongma chaxwannu alox sile alox; chaxwannu hia ima tüikya khünaknu abün.

NAHUM 1:5 ပူးပေါင်းရင်းမြစ်များ

MIKA 1:4

Ifüima chix chitong ma haxnubu chule paoüi wün zui ma müizao chukya ningle; ijabu haxnuchabu to thokle ajenüi haxkho tokhange ti thokle ajenkya ningle.

JEREMIA 4:24

Kue haxnubu to hu—ibu a sile aloxle ngo, ilaxle haxhuabu a paotox chattoxle aloxle ngo.

2 SAMUEL 22:8

Ipongma chaxwan to si ilaxle achen; zangdingkho chifünbu si ilaxle pope adün chemthüikoxle Zang ang mongtsik!

HABAKUK 3:10

Chemtue haxhuabue nang ngünpuix, hwom abünle za; zangding tokhange ti thokle ajen. Chaxwan mong tokya tibu fuakle lai, ilaxle ibu tichap ding to dong.

MÜNCHUAK-TSAI 68:8

ipongma chaxwannu kangle pao, üntoxle Sinai haxnu Zang nguikya, Israel nok Zang nguikya khoma zangdinge zangwat thokle ajo.

KAXFÜNPA-HWOM 5:5

Sinai Jowanpa tunthoma haxhuabu kangle pao, Jowanpa, Israel nok Zang tunthoma.

MÜNCHUAK-TSAI 114:6

Haxnubu, hünzom büthüikoxle zwonbu lailaile füt? Hünzom haxhuabu, hünzom büthüikoxle chun hosabu lailaile füt?

MÜNCHUAK-TSAI 114:4

Zwonbu fütpupule haxnubu füt; chun hosabu lailaile haxhuabu füt.

MÜNCHUAK-TSAI 98:7

Molo Tinu, nang hia nang ma tüikya zünmok pangwüi akhongle; chaxwannu, ilaxle nang ma ngokya pangnue tsai ngaokox!

MÜNCHUAK-TSAI 46:6

Jat-libu a abüt-abanle, wangtingbu a abünle; Zang atsak-adung, ilaxle chaxwannu achuk.

LAIPAO 19:18

Sinai haxnu to bakle wünkhut füi tukle kop; ile Jowanpa ija ding ma wün füi ju. Wünkhut a tsanzok wünchao lailaile dong, Khünaknu a tüle abünle za.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

MATHI 28:2

Allele bütix si. Zangkangting tokya kaxtaimix ju, ilaxle ija long atuile awütlaxle ija dingma thung.

MATHI 27:51

Ipongkhae Zangshwom-Hom atsyen le thomkya nyikhik okho tokhange chitong kople tanti makhange anyi ang achangle kyetle pao. Chaxwannu tüle sile alox ilaxle longbu file pao.

MIKNGÜN-OHÜN 6:14

Laikhao atünkya ningle zangding atünle paosam üntoxle haxnu hia shuazobu ma ngwotnui angkya achex.

MÜNCHUAK-TSAI 18:7

Ifüima haxwan sile achen üntoxle alox; haxnu chifünbu kang üntoxle atsun, chemthüikoxle Zang ang mongtsik dong.

ISAIA 5:25

Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

ISAIA 24:1

Jowanpae chaxwannu a ohua ang achangüi ilaxle ija chilaxli ang dantoxüi. Chixe chaxwan thün nongnong-püilüile achangüi ilaxle ikha angkya khünaknu chiakle asamüi.

ISAIA 24:20

Chaxwannu jaojao jutokmix ningle-khokhele changüi ilaxle zangchei thoto homsa sile aloxkya ningle sile aloxüi. Chaxwannu to ija ochaxbue sheple anguaküi ilaxle ija otuechu laoxle chizole changüi.

JOEL 2:10

Hwom süsox-süsoxle soxpongma chaxwannu jao sile alox; zangdingkho sile abün. Lyetnu hia zanghan khisumle khi, ilaxle lyettsibue chu athaxpi chinyan.

ZEKARIA 4:7

Ipong chongkya haxnu ningkya lombax-saibangkyabu nang tuntho angkya paole samüi. Nange Zangshwom-Hom azünle zaiüi. Nange akiakya long onui ma danle tsuakkya füi tomle khünaknue, ‘Müihule, müihule, le akhongüi!’”

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

JOB LAIPEX 9:5

Kax chikoxngo homle chixe haxnubu apaole, mongtsik füi chixe ibu atsunle.

JOB LAIPEX 26:11

Zangding nwonle thuathomkya thongnubu azale changpongma, Ibu pangwüi chix thua zakyae abün.

MÜNCHUAK-TSAI 18:8

Chix nakua makhange wünkhut othwom-othwom alai, zokle ashunkya wünle hia wün füikya wünhan chix wikha makhange alai.

MÜNCHUAK-TSAI 104:32

Chixe chaxwannu to hu, ilaxle ija sile alox; chixe haxnubu to lyet, ilaxle ibue wünkhut alaile awüt.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

EZEKEL 38:20

O-jux hia müi-nyax, chongkya hixkya zünmok pangwüi, tamchu chaxwannu thün ma ngole tüikya khünaknu ku thua zakyae abünle changüi. Haxnubu nguaküi, longzakzyenbu tsunüi, ilaxle long katuk pangwüi tsunle nguaküi.

AMOS 9:5

Jowanpa Khüthak Zang-e chaxwannu to lyet, ijama ija alox; ima tüikya pangwüi mongmaxle sop. Nail Shuanu tichap lailaile zangfang pangwüi dong-dong-ju le sile alox.