NAHUM 1:2 - OTSAO BAIBEL (BSI)

² Jowanpae Khüthak Zang-e chix zan to kale changkya chemchu adu ang müntho; chix füi apüile tüikya mix to chixe sikngün ang tomle. Ibu to chixe mongtsik füi olüix khomle.

NAHUM 1:2 ပူးပေါင်းရင်းမြစ်များ

ZEKARIA 8:2

“Kue ikhama tüikya khünaknu to mongkünkyae Jerusalem tüle sungle. Hwom tokya mongkün khoma ku ang hwom zanpabu füi mongtsik ang tomle.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

MÜNCHUAK-TSAI 94:1

Jowanpa, nang a sikngün fakya Zang changle; nang mongtsik aholax!

LAIPAO 34:14

“Mama baozang tütatochu taxshwom, chemthüikoxle ku a ma zanpa chishan tsuakkya Jowanpa changle.

JIHUSUA 24:19

Jihusua-e khünaknu ang thüi: “Ikoxlechu hünzome Jowanpa thothale chang ang chitho tüilax. Chix a otsao Zang ilaxle chixe hünzom thaikya ochaxbu alak ang chithoüi. Chixe chix zan to kakyabu füi adu ang müntho,

IBRI 10:30

Chemthüikoxle: “Kue olüix khomüi, kue jan alüiüi, tamchu Jowanpa-e chix khünaknu kaxfünüi”, le thüikya keme awanpu.

ISAIA 42:13

Jowanpaa naomüipa tuita ningle azan ang kale; zanhok ma apong ang chix achwonle tamchu mongtsule tüile. Chixe tinglyetle, ilaxle zan-o zan-ole akhongle; chix zanpabu hato chixe chix tsak-zong ahole.

TSAITONG-KAXTONG 4:24

chemthüikoxle Jowanpa hünzom Zang a ole füikya wün ningle changpu; chixe chix füi apüile changkya oli chemchu münadutsuak.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

ROM NOK HATO ZAKYA POL LAIZA 12:19

Kutüi kunaohom, otuechu olüix taxkhom, itülüi ija Zang mongtsike wüi naxmok kox. Chemthüikoxle Otsao laie akaxle: “Olüix kue khomüi, otha kue thomüi le Jowanpa-e akaxle.”

MIKA 5:15

Ilaxle ku mongtsik chongkya füi kue ku kax ma chilaxle tüikya onok pangwüi to kue olüix khomüi.”

JOEL 2:18

Ifüima Jowanpae chix haxtok hato chingcha aho; chixe chix khünaknu to chingcha.

EZEKEL 39:25

Jowanpa Khüthak Zang-e thüile: “Ikoxlechu athax kue Jakop susa hwom, Israel nok hato chingcha ahoüi, ilaxle hwom a tamchatle ahak-aluale chang ang tomüi. Kue ku otsao mün kho awa angkya changle.

EZEKEL 6:12

Tsailo to ngokyabu, hwom kaküi ilaxle zile paoüi; nuisox to tüikyabu zan ma maxüi; ozün ma tüikyabu a woknuak ma ziüi. Hwome ku mongtsik janzüi ibu pangwüi apongle hüiüi.

JEREMIA 4:4

Hünzom Judah hia Jerusalem angkya khünakbu, hünzome ku, Jowanpa füikya tsaotsüt thomlax, ilaxle ma lailai to ku ang atsaole koxlax. Hünzome ile chichang thüiningle, hünzome mokdaokya ochaxbu khoma wün füi zokkya ningle hünzom a ku mongtsik füi zoküi. Ijae hünzom zokle ashunüi ilaxle ija amüt angkya mix owachu müntüiüi.”

ISAIA 51:20

Lomnu nuk pangkha towüi nang khünakbu a hona-ojuae nguakle haxmax-zangsam; hwom a müikhisa tai ma mankya thatha ang achang. Hwom to Zang mongtsik janzüie po.

ISAIA 51:17

Jerusalem, zolax! Nang lualua to nang laoxle zolax! Nange sikngün pe lingdaoa ija a Jowanpae chix mongtsik ma nang ang alingle; nange ija lingle jok, ilaxle ijae nang shu-shüile achangpu.

JOB LAIPEX 20:23

Hwome saxse atsutsu pangwüi sax ang laxkox! Küntsik mongma füi Zang-e hwom sikangünüi.

LIWI 26:28

izuma mongtsik füi ku hünzom zan to kaüi ilaxle hünzom sikngün a othom anüte nüile ziama ang tomüi.

ROM NOK HATO ZAKYA POL LAIZA 13:4

Chemthüikoxle nang füi naxmüi le mok angkya hanpakma chix Zang thothapa changle. Ikoxle nange chichang-chizangle jangmok, chix thua zalax, chemthüikoxle sikngün fa angkya zong chix ma tüikya otsing changle. Chix a Zang da ilaxle chichang-chizangle saxmokkyabu to Zang mongtsik kaxtom moküi.

ZEKARIA 1:14

Ilaxle Khüthak Jowanpa chem akax daopuix ibu khuapu angkya hanpakma kaxtaimixe ku füi akax. Jowanpa kax a: “Ku otsao tingnu Jerusalem hanpakma kuma mongkün hia tuitex zukya tüile,

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

EZEKEL 38:18

Jowanpa Khüthak Zang-e akax: “Oja nyix Gog-e Israel nok to single changüihex, ku ang huanuma mongtsiküi.

EZEKEL 36:6

“Idaile Israel haxtok zongto aje-kox. Chaxwannu noke hwom to ajaole tamchu adix-adale changkya ngünlaxle, Jowanpa Khüthak Zang-e, kue, ku nüfux mongtsik füi zongbakle akaxkya kax, haxnubu, haxkhobu, shuasabu, haxshabu, ibu pangwüi hama wünkox.

EZEKEL 8:18

Hwome ku mongtsik janzüi bakle awan ang kop angkya changle. Kue hwom to münshan chichangba chingcha ahole münchangüi. Hwome tsuakkya tukuxle akhongle ku to jopüi, ikoxlechu kue hwom zangjop to münapaüi.”

EZEKEL 5:13

“Ku mongzom mamüi mamüile hünzome ku mongtsik mongma janzüie pokya awanle laxüi. Chemtue ibu pangwüi changüihex, hünzome ku to mongong chithomkya khoma, Jowanpa kue hünzom füi zangwünkya changpule hünzome tikle laxüi.

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

JEREMIA 25:15

Jowanpa, Israel nok Zang-e ku füi akax: “Ikhama ku mongtsike awangle wansa tuita tüile. Kue nang tomle apaole nok pangnu hato ija laxlaxle paokox, ilaxle hwom ang ija angkya alingkox.

JEREMIA 3:5

Nang a othuithuima mongtsikle münngoüi; ku füi nang jento mongmale münngo.’ Israel, ija kax nange akaxpu, ikoxle nange tsuakkya kople ochax mwot mokpu.”

ISAIA 66:15

Jowanpa a wün füi hüiüi. Chix a zangchei ozang ma piüi ilaxle chix ang mongtsikkyabu to sikangünüi.

TSAITONG-KAXTONG 7:10

ikoxlechu chix thua anukyabu to sikangün angkya chix ma mongao ojao müntüi.

JEREMIA 28:8

Ku hanpak hia nang hanpak hüiüi thoto wüi ajebue jat-libu hia tsak-zongle tüikya wangtingbu hato hüi angkya ochax-ozan, woknuak-tilan hia okak-olakbu bama ajele thom.

EZEKEL 38:19

Ku mongtsik mongkham füi kue akaxpu, ija nyix Israel haxtok ma bütix-tixnu siüi.

LAIPAO 34:7

Kue ku kaxtsao tsünthom-tsünthom to kople thomle ilaxle chichang-chizangkya hia ochax mwotbu thailakkya tüile; ikoxlechu hopu-hopa hwom ochax khoma kue hwom sutai-sulai tsün kople sikngün chifa homtoxle müntox.”

HUAKE LAIPEX 25:11

“Finehas-e chem mokdaolaxpuix, ikhokho ma athaxpi Israel khünaknu füikya ku mongtsik müntüiüi. Chixe ku to shwomkya boma owawa to shwomkya adu ang chitho, ikhoma kue hwom ku mongtsik thama ma max ang chitom.

JEREMIA 50:15

Tingnu akhople ua-le single akhong kox! Athax Babilon-e chak ajong daoa. Ija pan katuk bakle amadaoa ilaxle atsundaoa. Kue Babilon nok to olüix khomle ngopu. Idaile hünzome hwom to olüix khomkox, ilaxle hwome mix to chemle hwondaopuix ilailaile hwom tochu hwonkox.