MÜNCHUAK-TSAI 96:3 - OTSAO BAIBEL (BSI)

³ Chaxwannu hato chix fuazangkya apukkox, üntoxle chu chix ohünotün mwotbu khünaknu pangnu hato.

MÜNCHUAK-TSAI 96:3 ပူးပေါင်းရင်းမြစ်များ

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

MIKA 4:2

ilaxle hwom khünakbue thüiüi, “Oman, kempi Jowanpa haxkho to donghax, Israel nok Zang Zangshwom-Hom to. Keme chem naxmokse thütpuix ija chixe kem hama anwot-anole faüi; chixe zünle kopdaokya lomtang ma kem ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe chix khünaknu füi zangwünle.”

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

MÜNCHUAK-TSAI 9:2

Nang khokhoma kwome mongmüi tungle tsai ngaoüi. Khüthak Zang, kue nang achuakle tsai ngaoüi.

MÜNCHUAK-TSAI 57:9

Jat-libu khama kue nang ang münchong faüi, O Jowanpa. Kue khünaknu tu ma nang achuaküi.

MÜNCHUAK-TSAI 150:2

Chixe mokdaokya chongkya mwot khoma chix achuak kox. Chix zax-zangkya tukuxle chix achuak kox.