MÜNCHUAK-TSAI 96:10 - OTSAO BAIBEL (BSI)

¹⁰ Pangnu jat-li hama: “Jowanpa a Chongwangpa changpu; chaxwannu a onui ma shingmongle dan thomle ilaxle ija a amok ang münthoüi; chixe sukya kaxfün füi chaxwannu kaxfün faüi”, le thüikox!

MÜNCHUAK-TSAI 96:10 ပူးပေါင်းရင်းမြစ်များ

MÜNCHUAK-TSAI 93:1

Jowanpa a wanghom changle. Chix a chongwang zapua hia janzüi nyiwun ang laxlaxle tüile. Chaxwannu a oting ma sütle shingmong tüile ilaxle ija achex ang müntho.

MÜNCHUAK-TSAI 67:4

Jat-libu mongmüi laxle pwonlatungle tsai naxngao, chemthüikoxle süi-chapkya chemchu chitüile nange khünaknu kaxfün ilaxle chaxwannu angkya jat-li pangwüi lomzun. Selah

MÜNCHUAK-TSAI 9:8

Chaxwannu chixe otsao makhange apün; sukya kaxfün füi chixe chaxwannu kaxfün.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

MIKNGÜN-OHÜN 19:6

Ifüima khünaknu tüle tüikya zing ningle, asoxsoxfüt le ti dütkya sap zing ningle tamchu zang adungkya ozing ningle kue atat. Hwome ile akaxkya kue atat, “Zang achuakkox! Khüthak Zang a Chongwang changle!

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

GALATIA 1:16

Üntoxle mixnokbu khato chix bama Kaxho Müikya kue apuk-apua angkya hanpakma otue chixe ku hato Hosa ngaile aho ang mongtex azut tsuaklaxpuix, izuma ku zünkax-saikax lom ang owa hatochu chipao,

MALAKI 1:14

Chixe ku ang koxüihex-ole tsaokya amüikya müi tüingale, ku dyenlale chilaxli müi apüilaxle tö koxkya mix a othuak-ozom ang naxchang! Chemthüikoxle ku a wanghom achongkya changle, ilaxle pangnu jat-li tokya khünaknue ku-thua zapu.”

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

MÜNCHUAK-TSAI 126:2

Kem chemtukux nyipuix, kem chemtukux pwonlatungle tsai ngaopuix! Ipongma mixnokbue kem jat-li bama zangwünle thüi: “Hwom hanpakma Jowanpa chongkya mokdaoa!”

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

MÜNCHUAK-TSAI 58:11

Khünaknue thüiüi: “Otsingtsingsa ma otsao khünakbu ang hingho koxdaoa; zangfang ang kaxfün fakya Zang tüijao tüile.”

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”

MÜNCHUAK-TSAI 18:49

Ikhoma kue nang onokbu khato achuakpu; kue nang achuakle tsai ngaopu.

KOLOSI 2:7

Chix ma hünzom otsing mongle julax, chix ma hünzom khüzün tsün zinglax, ilaxle hünzom hama anwot-ano daokya ningle mongong ma zong südong-südong donglax. Ilaxle münchong fakyae awangle ngolax.

MÜNCHUAK-TSAI 59:13

nang mongtsik füi hwom olithukox; hwom komkaile olithu ang tomkox. Ifüima Zang-e Israel thakma apünle tüikya, tamchu chixe zangfang pangnu to ole apünkya noknusa tsing ang kopüi. Selah

MATHI 3:2

chemthüikoxle Zang Wangting a soxle hüiüna!”

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

MÜNCHUAK-TSAI 46:6

Jat-libu a abüt-abanle, wangtingbu a abünle; Zang atsak-adung, ilaxle chaxwannu achuk.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

MÜNCHUAK-TSAI 9:9

Müt-mix shun-mixbu hanpakma Jowanpa a khangkhom nui, thangnak pongma khang azang angkya onui.

ISAIA 52:7

Ija ngün angkya chemtukuxle ohünotün changüi hex kaxhomix tuita haxnu akaile nguile ngokya mix, chixe kaxho müikya, mongsom kaxho apüi ngole! Chixe lütkya kax ngailaxle Zaion ang thüile, “Hünzom Zang a Wanghom changpu!”