MÜNCHUAK-TSAI 93:5 - OTSAO BAIBEL (BSI)

⁵ Jowanpa, nang wanlombu ma oshuk müntüi, tsün-tsün to nang Zangshwom-Hom a otsing tomtata ma otsao changle.

MÜNCHUAK-TSAI 93:5 ပူးပေါင်းရင်းမြစ်များ

MÜNCHUAK-TSAI 119:111

Nang kaxtombu a oshuk chitüile ku süntswon; ibu a ku mongkha mongmüi changle.

MÜNCHUAK-TSAI 119:129

Nang hwon-nwotbu a ohünotün changpu; kue ibu to mong khange jao kax ma laxle tüipu.

MÜNCHUAK-TSAI 29:2

Jowanpa fuazangkya mün achuak-achen kox; chix ngaikya zuma Otsaopa tunthoma akhuxle changkox.

LIWI 19:2

Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

MÜNCHUAK-TSAI 119:144

Nange adangle fakyabu a othuithuima sule; ku ang tsing-wankya fahüi, ilaxle ku ozün ma ngoüi.

MÜNCHUAK-TSAI 119:138

Oja wanlombu nange koxle tüipuix ibu a komkaile sukya tamchu changkya changle.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

MÜNCHUAK-TSAI 99:9

Jowanpa kem Zang achuak kox, üntoxle chix otsao haxhua ma chix to shwomkox! Jowanpa kem Zang a otsao.

MÜNCHUAK-TSAI 99:5

Jowanpa kem Zang achuak kox; chix tüntong tunthoma achuak kox! Chix a Otsao changle!

MIKNGÜN-OHÜN 21:27

Ikoxlechu chitsaokya oli chemchu ija tingnu ma nop ang müntomüi, iningle zakkop mwot mokkyabu hia atsekyabu owachu ikhato dong ang müntom. Ikoxle Chun Hosa khüzün Laipex ma opang mün zale tüilaxpuix, ibu tix dong ang tomüi.

MATHI 24:35

Ding hia hax kaile leüi; Ku kax a tuitachu kaile münleüi.

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

JUHAN 4:24

Zang a Chasa changpu, Idaile khünaknue chix Chasa zong makhange tix, Chasa hia otsingtsing ma shwom ang thoüi.”

ISAIA 52:11

Hünzome Babilon dantox angkya münthaile tsingkoplax, zangshwom-hom tuina kople tüikyabu hünzom pange wüi! Taxtwonle atsaokya oli to taxtwon; ibu füi hünzom atsailax ilaxle otsao ma ngolax.

LAIPAO 28:36

“Hun tsaotsao makhange likwünbu zinglax ilaxle Jowanpa hanpak ang atsaole ija ma apütlax.

2 PUKAX-PANGAO 29:5

ilaxle chixe ikhama hwom to pünzün-wangsaile chang. Chixe thüi: “Hünzom Liwi hwome ma alüile atsao laxle, Jowanpa, hünzom putong hwom Zang to shwomkya Zangshwom-Hom atsao angkya changpu. Ija chitsaokya ang achangle tüikya oli pangwüi Zangshwom-Hom angkya alaile awütdao.

EZEKEL 43:12

Ija a Zangshwom-Hom wanlom changpu: Ija akhople tüikya haxhua onui a pangwüi otsao changle.”