MÜNCHUAK-TSAI 93:1 - OTSAO BAIBEL (BSI)

¹ Jowanpa a wanghom changle. Chix a chongwang zapua hia janzüi nyiwun ang laxlaxle tüile. Chaxwannu a oting ma sütle shingmong tüile ilaxle ija achex ang müntho.

MÜNCHUAK-TSAI 93:1 ပူးပေါင်းရင်းမြစ်များ

MÜNCHUAK-TSAI 96:10

Pangnu jat-li hama: “Jowanpa a Chongwangpa changpu; chaxwannu a onui ma shingmongle dan thomle ilaxle ija a amok ang münthoüi; chixe sukya kaxfün füi chaxwannu kaxfün faüi”, le thüikox!

MÜNCHUAK-TSAI 99:1

Jowanpa a chongwangpa changle; ilaxle khünaknu abünle zale. Chix a ozang füikya zünmokbu ding ma thungnui kople tüile ilaxle chaxwannu aloxle.

1 PUKAX-PANGAO 29:12

Ahak-aluakya hia tüi-nangkya komle nang tokhange tix hüipu; nange pangnusa to, nang-tsak nang-zong hia janzüi füi apünle ngopu; ilaxle tütapuchu nange tsak-zongle tüi ang hia chuakchongle tüi ang koxtsuak.

MIKNGÜN-OHÜN 19:6

Ifüima khünaknu tüle tüikya zing ningle, asoxsoxfüt le ti dütkya sap zing ningle tamchu zang adungkya ozing ningle kue atat. Hwome ile akaxkya kue atat, “Zang achuakkox! Khüthak Zang a Chongwang changle!

MÜNCHUAK-TSAI 103:19

Jowanpa chix tüntong zangkangting to dan; chix a pangnusa thakma wanghom.

MÜNCHUAK-TSAI 65:6

Nang janzüi makhange nange haxnubu onui ma dan, ile ataxkya nang tsak-zong aho.

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

ISAIA 45:12

Chaxwannu zingle alaikya a ku changpu ilaxle khünaknu ikhama ngo angwot ang zingkya changpu. Ku tsak-zong makhange kue zangding shapu; Kue lyetnu, zanghan, hia lyettsibu pangwüi ziakople thompu.

MÜNCHUAK-TSAI 97:1

Jowanpa a chongwangpa changle! Chaxwannu, mongmüikox! Tinu mong tokya shuazobu, hünzom ang mongmüikox!

MÜNCHUAK-TSAI 59:13

nang mongtsik füi hwom olithukox; hwom komkaile olithu ang tomkox. Ifüima Zang-e Israel thakma apünle tüikya, tamchu chixe zangfang pangnu to ole apünkya noknusa tsing ang kopüi. Selah

IBRI 1:8

Ikoxle Hosa bama Zange thüi: “O Zang, nang wangting ashukle chitoxüi! Nange, nang khünaknu thakma sule apünüi.

ISAIA 59:17

Sukya kaxfün a chixe khyep-di ningle awunüi ilaxle khosün angkya tsak-zong a khohom ningle sünüi. Jali sukya olom ma apüi angkya ilaxle othai lom to khünaknu ang sikangün angkya mongtsukya janzüi a chixe nyiwun tuita ningle laxüi.

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

ISAIA 11:5

Chixe chix khünaknu to sukya kaxfün fakya hia müikya mün tüikya füi apünüi.

MÜNCHUAK-TSAI 145:13

Nange apün-awangkya ma oshuk müntüi, ilaxle nang a oshuk chitüile chongwangpa changle. Jowanpa a chix kaxtsaobu bama ojao münthai; chix mwot pangnusa wüi chixe chingcha füi mokle.

MÜNCHUAK-TSAI 18:32

Chix a ku tsak-zong ang tomkya Zang changpu, chixe ku lomtang chem chabüt-lasün angkya chitüile zingpu.

JOB LAIPEX 40:10

Ile tsuak angkya jangchang thüiningle nang achuak achenkya hia ongam ma ajonghu; Chongwang hwom hia fuazangkya nyi-za laxhu.

MATHI 6:13

Chongkya thwongtsing to kwom taxahüi; Ikoxle omalom tokya kwom sünle thom hüi.’

ISAIA 63:1

“Edom nok tokya Bozrah tokhange nguile ngokya mix ija owa? Ija khidak-khisumle aza-apua laxle, zikle nguingokya tsak-zong hia janzüi ma?” “Khosün angkya tsak-zong füi, zan to lütkya apuk ang nguile ngokya a Jowanpa changle.”

ISAIA 52:7

Ija ngün angkya chemtukuxle ohünotün changüi hex kaxhomix tuita haxnu akaile nguile ngokya mix, chixe kaxho müikya, mongsom kaxho apüi ngole! Chixe lütkya kax ngailaxle Zaion ang thüile, “Hünzom Zang a Wanghom changpu!”

ISAIA 51:9

Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

MÜNCHUAK-TSAI 75:3

Ozün ma tüikya zünmok pangwüi abünle zakoxchu ilaxle chaxwan tomtata aloxle changkoxchu, kue ija chifün shingmongle thomüi. Selah

ISAIA 51:16

Zangdingkhobu kue pünle danpu ilaxle chaxwannu chifün zingle danpu; Kue Jerusalem ang thüipu: ‘Nang a ku khünaknu changpu! Kue nang a ku hwon-nwot koxdaoa, ilaxle nang kue ku chak füi sünle koppu.’”

1 PUKAX-PANGAO 16:30

chaxwannu pangnu, chix tunthoma abünle! Chaxwannu a oting ma sütle dan thomle, ija münamok.

1 PUKAX-PANGAO 16:31

Mongmüikox, chaxwannu hia zangdingkho! Chaxwannu hama wünkox chix a Jowanpa a wanghom le.

MÜNCHUAK-TSAI 65:7

Tinu-tichap akhongle shixle ngokya nange adang üntoxle tichap azingle ngokyabu a; khünaknu tu ma mwop lai ngokyachu nange wüi adang.