MÜNCHUAK-TSAI 9:9 - OTSAO BAIBEL (BSI)

⁹ Müt-mix shun-mixbu hanpakma Jowanpa a khangkhom nui, thangnak pongma khang azang angkya onui.

MÜNCHUAK-TSAI 9:9 ပူးပေါင်းရင်းမြစ်များ

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

NAHUM 1:7

Jowanpa a müikya changpu; sikngün pongma chixe chix khünaknu kho awa; chix hato mongchatkya khünakbu to chixe hume.

MÜNCHUAK-TSAI 32:7

Nang a ku azwon nui changpu; thangnak tuitai tokya ku kho nangetix sünüi. Nang khosün achuakle ku akhongle ngaopu, chemthüikoxle nange ku ziakoppu. Selah

MÜNCHUAK-TSAI 46:1

Zang a kem loxkax changpu, üntoxle sikngün pongma fong ang jento achwonle ngokya janzüi changpu.

MÜNCHUAK-TSAI 62:8

Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

MÜNCHUAK-TSAI 37:39

Jowanpa otsao khünakbu khosünle kople üntoxle thangnak hüipongma chixe hwom kho-awale kople.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

KAXHO MÜIKYA LUK 13:34

“Jerusalem! Jerusalem! Nange ajebu lang, nang hato Zange ahüikya kaxho mixbu longe thuple lang! Onue osabu to akhuple womkya ningle, kue nang khünaknu nok to tamle ku chake künse le texhupu; ikoxlechu hünzome ku ang ile kün ang chifa!

ISAIA 8:14

Ku a wün ang chitsuakkya otsao changkya khoma ku a tuita khünaknu chikho thule ngokya longnu ningle changpu; Judah hia Israel nok wangting tamchu Jerusalem tingnu angkya khünaknu aman angkya hanpakma ku a tuita kam thale thomkya changpu.

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

MÜNCHUAK-TSAI 20:1

Nang sikngün ma ngopongma Jowanpa nang to naxlanfa! Jakop Zang-e nang ziakople naxthomfa!

TSAITONG-KAXTONG 33:27

Zang a othuithuima hünzom ziakop mix ang ngole hüi; oshuk chitüikya chix chak a hünzom juafong ang. Hünzom nguikya füi shemle chixe zan-nokbu jwonle apao, ilaxle ibu pangwüi olithule amüt angkya nang füi akax.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

MÜNCHUAK-TSAI 108:12

Zanpa füi alünle ajong ang kwom to fongfa; khünake juafongkya ma chem mwot münthap.

MÜNCHUAK-TSAI 142:4

Chemtue kue nong-tsax to hule anopuix, kue ku to asun angkya mix owachu chingün, ku kho-awa angkya mix owachu chitüi. Owaechu ku tuitexkya chitüi.

MÜNCHUAK-TSAI 48:3

Tingnu mong angkya zanhunuibu ma chix ma chalomlule tüile le Zang-e ahodaoa.

1 PUKAX-PANGAO 16:33

Faokha tokya pünbu mongmüile akhong chaxwannu to apün ang Jowanpa nguipongma.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

MÜNCHUAK-TSAI 67:5

O Zang, khünaknue nang achuak-achenle naxchang; khünaknu pangnusae nang achuakle naxchang!

MÜNCHUAK-TSAI 96:10

Pangnu jat-li hama: “Jowanpa a Chongwangpa changpu; chaxwannu a onui ma shingmongle dan thomle ilaxle ija a amok ang münthoüi; chixe sukya kaxfün füi chaxwannu kaxfün faüi”, le thüikox!

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.