MÜNCHUAK-TSAI 9:20 - OTSAO BAIBEL (BSI)

²⁰ Hwom a za ang tomkox, Jowanpa; hwom a ziün angkya khünak changpule hwome tikle lax ang tomkox. Selah

MÜNCHUAK-TSAI 9:20 ပူးပေါင်းရင်းမြစ်များ

ISAIA 31:3

Ijip nok a baozangbu chichang — hwom chuwüi khünak. Hwom manbu a zangkho tokya tsak-zong füi tüikya chichang. Chemtue Jowanpae moküihex, chongkya onok ngaxchu abünüi, ilaxle zong chitüikya onokbue fongkya chem angchu chichangüi. Okhi pangnyi wüi amütüi.

MÜNCHUAK-TSAI 62:9

Khünak mixsa a tuita zakfaox wünkhut ningle; chongpuix hipuix pangwüi muakya changle. Chem thakhochu chingui ibu tuak ma thütle ano koxle; ibu a mütle alaikya zak füingaxchu chale.

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

MÜNCHUAK-TSAI 76:12

ongam füikya wangchasabu puinai ang tomle ilaxle chongwanghombu thua zale tüiang tomle.

EZEKEL 30:13

Jowanpa Khüthak Zang-e thüile: “Memfi angkya chapabu hia baozangbu kue amütüi. Ijip nok ma apün-awang angkya mix owachu müntüiüi, ilaxle kue khünaknu pangwüi chabüt-lasünle chang ang tomüi.

EZEKEL 28:9

Chemtue hwom nang lang ang nguiüihex, ipongmachu nange nang a baozang changpule thüi ang tho ang chami? Chemtue nange nang lang angkya khünakbu füi apongle changüihex, nang a baozang chichangle muakya khünak ang achangüi.

TSAITONG-KAXTONG 2:25

Anyix makhange kue pangkha tokya khünaknu hünzom thua za ang tomüi. Hünzom zing atatkya thoto wüi noknusa zalaxle anyonkya tüiüi.

LAIPAO 23:27

“Hünzom zongto apüile tüikya khünakbu ku-thua za ang tomüi. Opang füi hünzom achax-azanle changüihex, kue hwom hato khosam angkya apüile koxüi ilaxle hünzom zongto zanbu pangwüi tok ahole pao ang tomüi.

EZEKEL 28:2

“Ziün angkya khünak, kue chix füi akaxle ngokya kax, Tair nok wanghompa hato hokox: Ongam ahole ngolax, nang ning baozangle dai hix le. Tinue akhople nang a baozang tuita lailaile wanghom tüntong ma thung laxle tüile le nang akaxtüi. Nange baozang changle le atsing koxlax, ikoxle nang a ziün angkya khünak changle, chizi angkya Zang münchang.

LAIPAO 15:16

Zakya hia khomtsikya hwom hato hüi. Hwome nang tsak-zong ngünle, O Jowanpa, da ang ngokyabu nange danle khangkho angaikya, nang khünaknue toknople machang-machangle, hwom tüle zangale ajong.

2 PUKAX-PANGAO 14:10

Asa a chix füi azan ang lai, ilaxle hokhi pangnyie wüi Mareshah zui angkya Zefathah Haxsha ma machwon-chwon kop.

MÜNCHUAK-TSAI 3:8

Lütkya a Jowanpa tokhange tix hüipu: chixe chix khünaknu to mohimanle naxchang. Selah