MÜNCHUAK-TSAI 9:16 - OTSAO BAIBEL (BSI)

¹⁶ Chix otsao kaxfün makhange Jowanpa chix sukya ngaile ahodaoa, üntoxle chichang-chizangkyabu a hwom mwot mawüi alüile mandaoa. Selah

MÜNCHUAK-TSAI 9:16 ပူးပေါင်းရင်းမြစ်များ

LAIPAO 7:5

Ile hwom zan to kale ku chak nwonlaxle ija haxtok angkya Israel khünaknu laile pao ang tomkya zuma Ijip noke ku a Jowanpa changle le awanle lax ang kopüi.”

ISAIA 8:15

Khünaknu huanuma chikho thuüi; hwom a atiüi ilaxle akhixle paoüi. Hwom a kam ma aman angkya changle.”

WANWÜNKAX 12:13

Chichangchizangkya khünakbu a ma zangwünbu ma manle, ikoxle otsing khünakbu a ma alüile thama chak tokya azangle paole.

KAXFÜNPA-HWOM 1:7

Adonibezek-e thüi: “wanghom hwom 70 ang a chak-khi khinu hia chakhi khinubu texle awüt laxle ku tsap chitong angkya saxfun tswon ang koxdaopu. Hwom to kue chemle hwonpuix ija ningle Zang-e athax ku to hwonpu.” Chix ang Jerusalem to pao ilaxle chix ikhato zi.

LAIPAO 14:4

Kue chix ang mongtsak ang tomüi ilaxle chixe hünzom to achuaüi, ilaxle kue wanghompa hia chix süpahibu to anaole changkya zuma ku achuaküi. Ijama Ijip nokbue ku a Jowanpa changpule awan ang kopüi.” Israel khünaknue hwom füi akaxkya ningle mok.

WANWÜNKAX 6:2

Nang zangwün hia nang kaxtsaobue nang alüile aman dao pia?

MÜNCHUAK-TSAI 48:11

Zaion tingnu angkya khünaknu ang mongmüi ang tomkox! Nange sukya kaxfün fakoxle; Judah angkya tingnubu ma mongmüi naxtüikox!

MÜNCHUAK-TSAI 19:14

Ku zangwün hia ku tutexbu nang zongto pongle koptsuakkya lima naxchang, O Jowanpa, ku khangkhom nui üntoxle ku shakkop-pupa!

MÜNCHUAK-TSAI 11:6

Ochax khünakbu ding to adütle chixe wün füikya wündix üntoxle chuale ngokya khat; tamchu zokle ashunkya zangwin ibu füi chixe hwom sikangünle.

MÜNCHUAK-TSAI 5:1

Ku kax apahüi, O Jowanpa, üntoxle ku sopkya to apahüi.

2 WANGHOMBU 19:19

Athax a, Jowanpa kwom Zang-e, nange kwom Asiria nok chak tokya khosünhüi, ilaxle chaxwannu angkya jat-libu noke Jowanpa, nangtix Zang changpule naxtsing.”

1 SAMUEL 17:46

Anyixkha Jowanpae nang a ku chak to koxüi; kue nang to lütüi ilaxle nang khang dütüi. Nang a Filistia nok süpahi, nang a kue osa hia faomüibu ang asütüi. Ijama, Israel nok ma Zang tüikya zangfange awan ang kopüi;

LAIPAO 14:31

Chemtue Jowanpae Ijip nok to lüt ang chix tsak-zong chongkya ahokya Israel noke ngünle laxpuix, hwom a Jowanpa thuaza. Hwome Jowanpa hia chix dapa Mosa hokhi to mongong.

LAIPAO 14:10

Ijip nok wanghompa hia chix süpahibue hwom achuale hüingokya chemtue Israel khünaknue ngünle laxpuix, hwom tüle za ilaxle hwom khosün angkya hanpakma Jowanpa nyakle akhong.

ISAIA 28:13

Ikhoma Jowanpae hünzom hama kaxhua-kaxhuak ma, kaxzyen-kaxzyen ma, olom-olom ma anole kox ang azongpu. Ifüima hünzom a chitswon fo to asuale laxüi. Hünzom a thomzünüi, tsünle amanüi, ilaxle zanda ang kople paoüi.

MÜNCHUAK-TSAI 140:9

Ku akhoplaxle tüikyabu ngadong ang taxtom, hwom tunpünbu makhange ku aza-anale changkya hwom ding mawüi düt ang tomkox!

MÜNCHUAK-TSAI 92:3

janzi füi title zingkya waxmaibu füi üntoxle dingno tomtomle thuaput angaokyabu füi.

JOB LAIPEX 18:9

Kam tuita ma hwom chiding manlaxle kople thomle.

MÜNCHUAK-TSAI 7:16

Ikhoma chichang-chizangkya ma mwote hwom to alüile sikngün fale ilaxle changnong-pünthomle tüikya hwom mwote hwom to mak-khale.

DANEL 6:25

Wanghompa Dairas-e zangfang angkya onok hia jat-li pangwüi hato laiza ile afan: “Pangnusa ang salam!