MÜNCHUAK-TSAI 9:14 - OTSAO BAIBEL (BSI)

¹⁴ Jerusalem angkya khünaknu tunthoma ku ajong tsuak angkya hanpakma ilaxle kue nang achuakkya pangnu li bama hwom hama wüntho angkya hanpakma. Ku ang mongmüiüi, nange ku khosünkya hanpakma.

MÜNCHUAK-TSAI 9:14 ပူးပေါင်းရင်းမြစ်များ

MÜNCHUAK-TSAI 13:5

Ojem chifünkya nang mongkün to kue mongongpu; nange ku khosün angkya daile ku ang mongmüipu.

MÜNCHUAK-TSAI 106:2

Chixe mokdaokya ipongpong chongkya mwotbu mo owae wüntsuaküi? Okho-anguile chix owae achuak ang thoüi?

MÜNCHUAK-TSAI 51:12

Nang khosün makhange hüikya mongsom chatle ku ang fahüi, ilaxle nang kax ma laxle tüi angkya ku mong ma tsukya tüi ang tomkox.

MÜNCHUAK-TSAI 35:9

Ipongma, Jowanpa khoma ku ang mongmüiüi; chixe ku khosünle kopkoxle ku ang mongmüiüi.

MÜNCHUAK-TSAI 20:5

Ifüima nange tholünle changkya to kem pangnu mongmüile akhongüi, üntoxle ija nang tholün mün ma Zang achuakle puakya tüiüi. Nange ju-lomkya pangnusa to Jowanpa lanle changhüi.

ISAIA 37:22

Jowanpa kaxho ile kox: “Sennacherib, Jerusalem tingnue nang cha nyile tamchu nang ajaole.

MÜNCHUAK-TSAI 21:1

Nange chix ang janzüi koxkoxle, O Jowanpa, wanghompa ang mongmüile; nange chix ang zan to lüt ang tomkya khoma tüle mongmüile.

1 SAMUEL 2:1

Hanah-e zangjop: “Jowanpae ku ang mong amüile fa; chixe ku to mokle fakya mwot bama ku ang mong huanuma müipu! Kue zanpabu füi nyi ang koppu; Jowanpae ku to fongle changdaokya khoma ku ang mongmüipu!

KAXHO MÜIKYA LUK 1:47

Zang ku khosünpa changkoxle ku chasa mongmüile,

HABAKUK 3:18

Ikoxlechu ku a mongmüi atungle ngoüi, chemthüikoxle Jowan Zang chix a ku khosünpa changle.

MIKA 4:13

Jowanpae thüi: “Jerusalem angkya khünaknu, paokox üntoxle hünzom zanpabu to sikangünkox! Kue hünzom a jan ozong hia khop chisok füikya maihupong tuita ningle tsak-zongle chang ang tomüi. Hünzome jat-libu huanuma olithule changüi, ilaxle hwome changnong-pünthomle kopkya tuinabu hünzome ku Chaxwannu Jowanpa ang kox angkya changpu.”

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”

ISAIA 12:3

Tikongsae tilan amüikya ningle, Zang khünakbu, chixe hwom khosünkya zuma mongmüile.”

MÜNCHUAK-TSAI 79:13

Ifüima, kwom nang khünaknu, nang chunzyem kha angkya chunbue, kwome othuithuima nang ang münchong faüi ilaxle jento nang achuak-achenle ngoüi.

MÜNCHUAK-TSAI 51:15

Jowanpa, akax angkya hanpakma ku to fonghüi, ilaxle kue nang achuaküi.

MÜNCHUAK-TSAI 42:4

Mongmüi atungkya othom tuita, tsai ngaole tamchu Zang achuakle üntoxle tomtomle ahamle hwom lom azuile tüipongma, chemtue ku othom khato Zang hom to paopuix, ledaokyadu texle atak laxle ku mong ashix.

MÜNCHUAK-TSAI 35:18

Ifüima kue nang khünaknu tusox ma nang ang münchong faüi; hwom pangnu tunthoma kue nang achuaküi.

MÜNCHUAK-TSAI 22:25

Nange chem mokdaopuix ija bama, khünaknu pangwüi asox pongma kue nang achuaküi; nang zangshwomkya khünaknu tunthoma kue tsaosaxdaokya töbu kue koxüi.

MÜNCHUAK-TSAI 22:22

Nange ku to chem mokpuix ija kue ku khünaknu hama wünüi; hwom tusox ma kue nang achuak-achenüi:

LAIPAO 3:7

Ifüima Jowanpae akax: “Kue ku khünakbu Ijip chaxwan to sikngün ashukle ngokya nuzao ngünle laxdaoa, hwom mwot to hu-ang ngokya da humix khoma hwom sople ngokya kue atatdaoa. Hwom sikngün kue awan tomta daoa.

LAIPAO 3:9

Israel khünaknu sopkya ozing ku na to nguidaoa. Ijip noke hwom to chemle sikngün ang tompuix, ibu bakle kue ngünle laxdaoa.

MÜNCHUAK-TSAI 6:3

Ku khüzün a komkaile zongbak sikngünle. Ku to fong nange chemtukux tan-ngoüi? O Jowanpa!

MÜNCHUAK-TSAI 75:9

Ikoxlechu kue Jakop Zang mo wünle akaxkya ku kax tam-münzak chichangba chix achuakle tsai ngaokya a.