MÜNCHUAK-TSAI 9:10 - OTSAO BAIBEL (BSI)

¹⁰ Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

MÜNCHUAK-TSAI 9:10 ပူးပေါင်းရင်းမြစ်များ

MÜNCHUAK-TSAI 91:14

Zang-e thüile: “Opange ku to mongkün puix, kue hwom khosünüi ilaxle ku ang Jowanpa le ekyabu kho kue awaüi.

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

JEREMIA 29:13

Hünzome ku lomüi, ilaxle hünzome ku ataküi chemthüikoxle hünzome ku mong makhange abakle lom angkya changle.

MÜNCHUAK-TSAI 5:11

Nang ma khosün atakkyabu pangwüi mongmüiüi; hwome jento mongsom hanpak tsai ngao ang thoüi. Nang to mongkünkyabu kho-awa koxle; hwom a nang khoma otsingtsing mongmüile tüile.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

MÜNCHUAK-TSAI 57:1

Ku to chingcha hüi, O Zang, ku to chingcha hüi, chemthüikoxle ku a nang hato khosün lomle nguipu. Tüle zongkya tinu-tichap madang-madangle, nang zangkhung ma kue khosün koppu.

MÜNCHUAK-TSAI 37:28

chemthüikoxle chem supuix ija to Jowanpa mongkünle ilaxle chix to mongong thomkya khünakbu chixe danle müntox. Jento chixe hwom khosele, ikoxlechu chichang-chizangkya su-sabu a jwonle apaoüi.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

ISAIA 45:19

Kue huxsa ma zang chiwün chichangba ku mongtex pyenle chithom. Kue Israel khünaknu ang khünak chingokya haxtok to ku lomlaxle chithüi. Ku a Jowanpa changle, ilaxle kue kaxtsing zang wünpu; Chem supuix ija kue awanle fapu.”

1 JUHAN 2:3

Keme Zang kaxtom kax ma laxle jangtüiba, keme chix tsingwankya Ija makhange atsingsho le changüi.

2 SAMUEL 22:3

Ku Zang a ku khowapa, ilaxle chix ma ku azangle ngopu. Chixe di lailaile ku to tukle thom; chixe ku khose ilaxle ozün ma thom. Chix a ku khosünpa; chixe ku kho awale tamchu chakmok-janlang chak tokya khosünle thom.

MÜNCHUAK-TSAI 37:39

Jowanpa otsao khünakbu khosünle kople üntoxle thangnak hüipongma chixe hwom kho-awale kople.

ISAIA 25:4

Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

NAHUM 1:7

Jowanpa a müikya changpu; sikngün pongma chixe chix khünaknu kho awa; chix hato mongchatkya khünakbu to chixe hume.