MÜNCHUAK-TSAI 86:5 - OTSAO BAIBEL (BSI)

⁵ Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

MÜNCHUAK-TSAI 86:5 ပူးပေါင်းရင်းမြစ်များ

JOEL 2:13

Nang mongtsik-mongma a nang mong ashixkya ma aholax; nang nyi-za akyetkya ija a chemchu münchang.” Jowanpa, hünzom Zang hato chatlax. Chix a chingcha hia jajae awangle tüikya Zang changle; chixe okuilole adule ilaxle chix tsaotsüt otia ma thomle; sik-chiangün homtoxle thaikya alak angkya hanpakma chix a jento achwon ngole.

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

NEHEMIA 9:17

Hwome kax ma münlaxpule angam; nange hwom hanpak ang mokdaokya mwot pangwüi hwome alakle asam; nange ohünotün mwot mokle ahokyabu pangwüi hwome alakle asam. Hwom mongngam füi hwome lompa tuita kam Ijip chaxwan to hwom tamchatle da ang achangkya angkya hanpakma a. Ikoxlechu nang a thaikya pangwüi alak tsuakkya Zang; nang a chingcha hia mongkün füikya Zang, zaxhunle tix mongtsikya Zang a. Nang chingcha a huanu changle; nange hwom awütle chitox.

MÜNCHUAK-TSAI 103:8

Jowanpa a chingchajaja hia mongkün füikya changle, mong a zaze letix tsik ilaxle ojem chifünkya mongküne awang laxle tüikya.

WANGSHEMBU MWOT 2:21

Üntoxle ile changüi, owae Jowanpa nyaküihex, chixe chix khosünüi.’

MÜNCHUAK-TSAI 145:18

Chix se-lomle changkyabu zongto chix a nuisox ma tüile, künkox-mongkoxle se-lomkyabu zongto a.

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

MÜNCHUAK-TSAI 25:8

Chemthüikoxle Jowanpa a otsao tamchu müikya changle, chixe ochax khünakbu hama hwom le angkya lom anwot-ano fale.

MÜNCHUAK-TSAI 130:7

Israel, Jowanpa to mongong tüikox, chemthüikoxle chix mongkün a ojem chifünkya changle ilaxle chix a othuithuima khosün fa ang mongtsule ngole.

JUHAN 4:10

Jisu-e lanle she ang thüi: “Nange Zang hingho hia nang ma ‘Ku ang lingti laxhüi’, le jukya khünak jang awan laxba, nange chix ma mix ija ti juse ilaxle chixe nang ang khüzün ti fasedai.”

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

DANEL 9:9

Kwome ibibile nang zan to kale changdaobachu, nang a chingchajaja hia thailak tüikya Zang.

EZEKEL 36:37

Jowanpa Khüthak Zang-e thüi: “Israel khünakbu ang, tamchatle fonghüile ku füi akax ang tomüi, ilaxle kue hwom a chunzyem tsapupule khünak huak pu-tsale chang ang tomüi.

EZEKEL 36:33

Jowanpa Khüthak Zang-e thüile: “Chemtue kue ibu ochaxbu tokya hünzom atsaole danpuix, kue hünzom a hünzom tingnubu ma tamchatle ngolaxle ibu zingle amüi ang tomüi.

JEREMIA 33:3

“Ku nyaklax, kue nang kax to lanüi; nange tsingle chingokya ohünotün hia khomtsikya jali nang hama wünüi.

MÜNCHUAK-TSAI 119:68

Nang a chemtukux müipuix tamchu chingchale tüipuix! Ku ang nang hwon-nwotbu anole fahüi.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

MÜNCHUAK-TSAI 130:4

Kwom nang thua zale ajong angkya hanpakma nange kwom ang thailak fa.

MÜNCHUAK-TSAI 69:16

Chithaile müingokya mongkün füi ku to lanhüi, Jowanpa; chongkya mongkün-chingcha füi ku hato chat-hüi!

MÜNCHUAK-TSAI 36:7

O Zang, chizakkya nang mongkün chemtukuxkya thalix hex! Kwome nangkui nang baozangbu zangkhung fang ma ziakople ngo ang kople.

EFISIA 2:4

Ikoxlechu Zang chingcha okhonguikya, üntoxle kem tokya chix mongkün namchongkya changkoxle,

MÜNCHUAK-TSAI 52:1

Ochax ma achongkya mix, nang ochax bama nang büthüikoxle tsaichong-kaxbongpu? Chialekya Zang mongong ma oshuk müntüipu.

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

MÜNCHUAK-TSAI 69:14

Thomkha to dütle maxüi ku azünhüi; ku zanpabu chak tokya ku sünle thom hüi, tüle zukya tinu chak tokya khosünle a.

MÜNCHUAK-TSAI 103:3

Chixe ku ochax pangwüi thailak kox ilaxle ku kak-lakbu amüile kox.