MÜNCHUAK-TSAI 85:2 - OTSAO BAIBEL (BSI)

² Nange nang khünaknu ochax thailak tüidaoa ilaxle hwom thaikya pangwüi chingchalaxle alakdaoa. Selah

MÜNCHUAK-TSAI 85:2 ပူးပေါင်းရင်းမြစ်များ

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

KOLOSI 2:13

Tam a hünzom ochaxbu khoma tamchu wanlom chitüikya mixnokbu changkoxle chasa ma omangbu changkya. Ikoxlechu athax a Zange Khrista füi tomle hünzom a ozün ang achang daoa. Zange kem ochax pangnusa thailak fa;

MÜNCHUAK-TSAI 32:1

Opange ochax thailak atakdao laxpuix hwom a mongmüi mixbu changpu, hwom thaikyabu pangwüi alakdaoa.

HUAKE LAIPEX 14:19

Ilaxle athax, O Jowanpa, otuechu chijekya chongkya nang mongkün tüikya füi, Ijip nok danle toxkya makhange kwom thaikya pangwüi alakle hüidaokya ningle athaxchu khünakbu thaikya ochax thailakkya tüifale kue nang to jop-topu.”

WANGSHEMBU MWOT 13:39

Mosa wanlom tokhange ma ochax tokya khangkho zangngai ang chitsuak ikoxle Jisu Khrista to ongkya makhange ochax pangnu tokya khangkho zangngai ang tsuaküi, ijachu hünzome awanle kop angkya changle.

JEREMIA 50:20

Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”

MÜNCHUAK-TSAI 78:38

Ikoxle Zang-e chix khünaknu to chingchajaja. Chixe hwom ochax thailak tüi ilaxle hwom amüt ang chitom. Obithomthom ma hexle chixe hwom füikya chix mongtsik abaxle tüi ilaxle mongtsik adule hüi.

IZRA 1:2

“Ija a, Parsia nok chongwangpa Sairas kaxtom changle. Jowanpa, zangkangting tokya Zang-e, ku a zangfang pangwüi thakma apün angkya mix ang kamdaoa ilaxle Judah angkya Jerusalem ma chix hanpakma zangshwom-hom tuita zingle alai angkya ku hünlit ang koxdaoa.

MÜNCHUAK-TSAI 126:1

Chemtue Jowanpa kem Jerusalem to chatle apüipuix, ija a wünmang tuita ningle changkya!