MÜNCHUAK-TSAI 83:10 - OTSAO BAIBEL (BSI)

¹⁰ Endor ma nange hwom to anao, ilaxle hwom mangbu kothofa to shanle pao ang tom.

MÜNCHUAK-TSAI 83:10 ပူးပေါင်းရင်းမြစ်များ

ZEFANIA 1:17

Jowanpae thüile: “Ile khünak pangnusa wüi miksutbu lailaile akhwomle aham angkya thama khünaknüsa hato apüile koxüi. Hwome ku zongto ochax lyenle changdaoa, ilaxle athax a hwom ajibu a tijenkya ningle thokle awütüi, ilaxle hwom mangbu a kothofa to shanle za-ngoüi.”

1 SAMUEL 28:7

Ifüima Sol-e chix nguakax-wangkhobu ang kaxkoxle thüi: “Lumjunu tüikya lomle atak-hüi, ku she hato nguilaxle she ma tsaitik-kaxshole ano ang.” Hwome lan: “Endor ma tuita tütüile.”

JIHUSUA 17:11

Isakar hia Ashar nyi haxsüt mong ma, Manasseh-e Beth Shan hia Ibleam nyi hwom tinglongbu füi tomle, Tinu kax ma tüikya Dor, Endor, Tanak, Megido iboma akhople tüikya tinglongbu, chix haxsüt ang kop.

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 8:2

Ibu afoxlaxle akhünle changse lüito, hwom za-tuabu a chaxwantok ma shale haxzao ang changüi. Hwom za-tuabu a, ibu khünakbue mongkünle tamchu shwom-tole tamchu tsaitik-kaxshole ngokya zanghannu, lyetnu hia lyettsibu tuntho to chiakle changüi.

2 WANGHOMBU 9:37

She mang ota-otuabu müidixbu ningle chiaküi, ikhoma owaechu müifun ibu a ijongkha müifun changle le awanle lax ang münthoüi.’”

KAXFÜNPA-HWOM 4:15

Chemtue Barak-e chix süpahibu füi hwom to single changpuix, Jowanpae Sisera a chix man-kanlinbu hia chix khünaknu füi tomle khopi-napale sam ang tom. Sisera chix man-kanlin angkya thailaxle cha ma pao ang süt.

KAXFÜNPA-HWOM 4:16

Barak-e ibu man-kanlinbu hia Hagoim angkya Haresheth süpahibu, püntüi tingsho chito achuale apao, ilaxle Sisera süpahibu pangwüi lang. Tuita ngaxchu chilang homle danle chitox.

KAXFÜNPA-HWOM 5:21

Kishon angkya tichene hwom chwotle pao: Ipong zongle zikle kaüi Kishon tinue. Kue achuaüi, achuale leüi, janzüi füia!

KAXFÜNPA-HWOM 7:25

Hwome Midi nok wanghompa Oreb hia Zeeb nyi kop; hwome Oreb a Oreb longnu tong ma lang ilaxle Zeeb a Zeeb grepti-ju fyetnui ma lang. Hwome Midi nok chizakle achuale le ilaxle Jordan shuanu handün chito asukya Giden hato Oreb hia Zeeb nyi khang wün.