MÜNCHUAK-TSAI 82:3 - OTSAO BAIBEL (BSI)

³ Chitüi-chinangbu hia mixshix-zasabu süntswon khose angkya olom; chitüi-chinangle maxsam ngokyabu to hu angkya olom ma hule kox angkya wüi changpu.

MÜNCHUAK-TSAI 82:3 ပူးပေါင်းရင်းမြစ်များ

MÜNCHUAK-TSAI 10:18

Afangle thomkya hia zasa-khaxsabu sopkya zing nange atat angkya changle; nange hwomchi ma sele kaxfün faüi, ikoxle tix ziün angkya khünake thama mwot chatle tammünmok.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

JEREMIA 22:16

Chixe zasabu hanpakma sukya kaxfün fa, ilaxle chix füi pangnu wüi müile le. Jowanpa tsingpu le ija ang tix nyakpu.

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

TSAITONG-KAXTONG 24:17

“Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

TSAITONG-KAXTONG 10:18

Chixe zomnu hia khaxsa hwom wünhai chitüile tomwüi hule; kem füi tomle ngole hüikya mixnokbu to chixe mongkünle ilaxle hwom ang sütling hia nyiwun ibu koxle.

LAIPAO 23:3

Kaxfün fapongma omüt-oshun khünak tuita zongto masüi-mixlüikya taxtüi.

LAIPAO 23:6

“Khwalo to mixshix-zasa nguipongma sukya kaxfün chifale taxtüi.

JOB LAIPEX 29:12

Mixshix zasabu sop-jua pongma kue hwom to fong. Pao nui chitüikya khaxsa naobu to kue fong.

JOB LAIPEX 31:21

Khwalo ma zangwünkya kue wüi lütüile thütlaxle, kue owawa khaxsa nao dyenlale jangchangdao,

WANWÜNKAX 31:9

Ibu hanpakma wünle laxkox ilaxle sukya kaxfünpa ang changlax. Mixshix hia zasabu süntswon amüt ang taxtom.”

ZEKARIA 7:9

“Kue ku khünaknu ang kaxtom ibu kaiwüi koxle thomdaoa: ‘Hünzome sukya kaxfün fa angkya wüi changle, ilaxle tata hato chingcha mongkün aho angkya wüi changle.