MÜNCHUAK-TSAI 81:10 - OTSAO BAIBEL (BSI)

¹⁰ Ku a Jowanpa hünzom Zang changpu, Ijip nok tokya hünzom kue apüipu. Hünzome wikha lanle akahüi, ilaxle kue hünzom tuxüi.

MÜNCHUAK-TSAI 81:10 ပူးပေါင်းရင်းမြစ်များ

JUHAN 15:7

Hünzom ku ma jangngo tamchu ku kax hünzom ma ngo ang jangtom, hünzome chem laxse tsupuix, ajuju pangwüi hünzom ang mokle koxüi.

MÜNCHUAK-TSAI 107:9

Tilan ma zingokyabu ang chixe tilan amüikox ilaxle müikya sütling füi woknuak ma ngokyabu ang wok afwot ang tom.

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

JUHAN 7:37

Athax pangpwon ashukkya tamchu akhokya nyix Jisu ajonglaxle azaxle thüi: “Owawa ti alanle ngokya mix jangtüi, chix ku hato nguilax, ilaxle ti linglax;

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

JUHAN 16:23

“Ilaxle ija nyix nguile hüikya zuma hünzome ku ma chemchu chijuüi. Otsingtsingma kue hünzom ang thüipu, Ku mün ma ajuju Apae hünzom ang pangnu koxüi.

JEREMIA 11:4

Hwom zongto okham wünnukha lailaile tüikya chaxwan, Ijip nok tokya hwom alaile apüi pongma, ija Tsaotsüt a hwom pupa hwom füi tsaotsütle wünkya kax changpu. Ku kax ma laxle tüi angkya tamchu ku kaxtom ma mokle chang angkya kue hwom füi akaxdaoa. Hwome ku kax ma laxle jangtüi, hwom a ku khünaknu ang ngoüi ilaxle ku a hwom Zang ang ngo angkya kax kue hwom füi akaxdaoa.

LAIPAO 20:3

“Ku to shwomkya boma baozang owatochu taxshwom.

TSAITONG-KAXTONG 5:7

“‘Ku to shwomkya boma baozangbu to taxshwom.

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

JIHUSUA 24:23

Ikoxle Jihusua-e thüi: “Jangchangthüiba hünzom ma tüikya mixnok baozangbu füi atsaiün ilaxle Jowanpa, Israel nok Zang hato hünzom ang mong chatlax.”

HOSIA 8:3

chem müipuix ija hwome awütdaoa. Ija khokho ma hwom zanpabue hwom to achua angkya changle.