MÜNCHUAK-TSAI 80:1 - OTSAO BAIBEL (BSI)

¹ Kwom to apahüi, O Israel Chunnyetpa; kwom zing atatlax, nang chun zyem lompabu zing a. Hozang füikya zünmok okho ma nang ngwotnui ma thung laxle,

MÜNCHUAK-TSAI 80:1 ပူးပေါင်းရင်းမြစ်များ

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

MÜNCHUAK-TSAI 77:20

Mosa hia Arun nyi ma hünlit koxlaxle, Chunnyetpa tuita lailaile nange nang khünaknu lomzun.

MÜNCHUAK-TSAI 50:2

Zang-e, osün müikya ma okhonguile tüikya Zaion makhange fale.

MÜNCHUAK-TSAI 99:1

Jowanpa a chongwangpa changle; ilaxle khünaknu abünle zale. Chix a ozang füikya zünmokbu ding ma thungnui kople tüile ilaxle chaxwannu aloxle.

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

EZEKEL 34:23

Kue hwom ang ku dapa Dawid lailaikya wanghom tuita hwom chunnyetpa ang koxüi, ilaxle chixe hwom to humele changüi.

2 SAMUEL 6:2

ilaxle, Khüthak Zang mün ma ozang füikya zünmokbu ding ma thungle tüikya Jowanpa Tsaotsüt Suak apüi angkya hanpakma hwom a Judah angkya Balah hato ngui.

1 SAMUEL 4:4

Ikhoma hwome kaxho mixbu awünle Shiloh tokya Jowanpa Tsaotsüt Suak ikhato apüi. Jowanpa a ozang füikya zünmok ding ma thungle tüikya. Ilaxle Eli sasün Hofni hia Finehas hokhi ija Suak füi tomle ka.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

EZEKEL 10:4

Zünmokbu ding angkya Jowanpa womle tüikya wünnyan ajong ilaxle Zangshwom-Hom fülom to achex. Ipongma Zangshwom-Hom a wünkhute awang, ilaxle hom mongkha a wünzung to nyanle tüikya.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

ISAIA 60:1

Zolax, Jerusalem, ilaxle senuja ningle nyanlax; Jowanpa fuazang a hünzom to nyanle tüile!

MÜNCHUAK-TSAI 80:7

Khüthak Zang, kwom chatle chat ang tomhüi! Kwom ang nang chingcha ahohüi, ikoxtix kwome khosün ataktsuaküi!

MÜNCHUAK-TSAI 80:3

O Zang, kwom tamchatle achat hüi! Kwom hato nang chingcha ahohüi, ikoxtix kwom khosün ang kopüi!

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

JUHAN 10:14

Chun-nyetmix Amüikya a Ku changpu; chemle Apae ku awan tamchu kue chix awanpuix,

DANEL 9:17

O Zang, ku zangjop hia tsaiju-kaxjukya to apahüi. Pünle amadaokya nang Zangshwom-Hom tamchatle zaile alai ang tomhüi; noknusae nang a Zang changpule naxtsing ang zingle achat-hüi.

EZEKEL 43:2

ilaxle ikhato kue handün chitokhange Israel nok Zang womle tüikya jikjepkya wünnyan nguiüi kue ngün. Zang kaxzing a tinu tichap zing ningle tüikya, ilaxle ija jikjepkya wünnyane chaxwannu fa le angai.

EZEKEL 1:13

Ibu zünmok khama wünnyan lailaikya tuita tüikya, ija a chizakle amok ngo. Wün khisumle lai ilaxle imakhange zangchangjep haple apao.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

MÜNCHUAK-TSAI 94:1

Jowanpa, nang a sikngün fakya Zang changle; nang mongtsik aholax!

MÜNCHUAK-TSAI 80:19

Kwom chatle chat ang tomhüi, Jowanpa Khüthak Zang. Kwom hato nang chingcha ahohüi, ikoxle tix kwom azangle ngo ang tsuaküi.

MÜNCHUAK-TSAI 78:67

Ikoxlechu chixe Jusep su-sa hwom chixe chilaxle awüt; chixe Efraim homjen zünle chikop.

MÜNCHUAK-TSAI 78:52

Ifüima chixe chunnyetpa tuita ningle chix khünaknu alaile pao ilaxle sak-hax akaile hwom lomzun.

MÜNCHUAK-TSAI 69:1

Ku khosün hüi, O Zang! Ti a ku dingkux kople tüile;

MÜNCHUAK-TSAI 60:1

Zang, nange kwom chilaxle awüt, üntoxle kwom towüi anao; nang ang kwom füi mongtsikle chang: Ikoxlechu athax kwom hato wüi anongle chat.

MÜNCHUAK-TSAI 55:1

O Zang, ku zangjop to apahüi; kue chingchajaja jukya hato tok ahole taxpao!

MÜNCHUAK-TSAI 45:1

Osün müikya zangwünbue ku khangka awang, wanghompa hanpakma kue ija tsai zingpongma.

MÜNCHUAK-TSAI 5:1

Ku kax apahüi, O Jowanpa, üntoxle ku sopkya to apahüi.

JOB LAIPEX 10:3

Nang ipongpongle mongtsik angkya asukya changcha? Nange ma chakzing ajao angkya changle lea? Chichangchizangbu mwot chanyi angkya changle lea?

2 WANGHOMBU 19:15

ilaxle zangjop: “O Jowanpa, Israel nok Zang, owa ozang füikya zünmok ding ma thungle tüipuix, Zang a nang tata wüi, nange tix chaxwannu wangtingbu thak ma apün-awangle ngopu. Nange ding-hi-hax zingle alaipu.

TSAITONG-KAXTONG 33:2

Jowanpa a Sinai Haxnu makhange hüi; Edom nok khangkho to zanghannu ningle chix dong ilaxle Paran Haxnu makhange chix khünaknu to atale nyan. Chix füi tomle kaxtaimixbu hajat bün jao tüikya, chix tsaxchi chak ma wünchua tuita tüikya.

MÜNCHUAK-TSAI 50:1

Khüthak Zang, Jowanpa akaxle; handün hia hannop tokya zangfang pangnu chixe nyakle.