MÜNCHUAK-TSAI 79:3 - OTSAO BAIBEL (BSI)

³ Hwome nang khünanknu aji tijenkya lailaile ajendaoa; aji a Jerusalem pangnu khato tijenpupule jenle paole, ilaxle mangzu angkya mix tuita danle chitox.

MÜNCHUAK-TSAI 79:3 ပူးပေါင်းရင်းမြစ်များ

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 14:16

Khünaknu opang hama hwome ija zangwün wünle changdaopuix, hwom chuwüi talailaile mik max ang tomüi. Hwom tompobu a Jerusalem tingjang lomnu to tswonle awütüi, ilaxle hwom mangzu angkya khünak owachu chitüiüi. Ija a hwom pangwüi füi ile changüi: hwom kakonubu füichu, hwom sasün hia sacha hwom füi chuwüi. Kue hwom ang hwom chichangchizangle tüikya tsangthom ang tomüi.”

MIKNGÜN-OHÜN 11:9

Pangnu kaxngao, jat-li, üntoxle saxthom homjen tokya khünaknue zo ang chitom le ibu mang to hanpak nyix azom okao hule nuiüi.

MIKNGÜN-OHÜN 18:24

Ajebu hia Zang khünakbu aji, tingsho ma bangkya khoma, Babilon tingnu to zothuppu; chaxwannu ma opang langdaolaxpuix, pangwüi aji

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

MIKNGÜN-OHÜN 16:6

Hwome Zang khünaknu hia ajebu, aji thokdao koxle nange hwom ang, aji ling ang koxpu. Hwome chem kopse hex, hwome ija koppu!”

ROM NOK HATO ZAKYA POL LAIZA 8:36

Otsao Lai ma tüikya ningle, “Hünzom kuxma nyixtungta, zik thomzün ma kwom ngole; lang ang paokya chun to hwonpupu, kwom to ile hwonle.”

MATHI 23:35

Ija khoma chem ngax chitsingkya Abel makhange Zakaria kople chem pak chitikkya khünakbu chemtukux lang daopuix, pangnu wüi hünzom khangkho ma düt angkya changle. Berekiah sasün, owa hünzome Zangshwom-Hom hia tö koxkya zomtong nyi bama langpuix, chixchu wüi womle.

JEREMIA 34:20

Hwom lang ang tungle ngokya zanpabu chak to kue hwom koxüi, ilaxle hwom mangbu a osa hia faomüibue sax ang tomüi.

JEREMIA 25:33

Ija nyix Jowanpae mik-amütkya khünak mangbu chaxwan tok tüchi tua makhange atachi tua alople chiaküi. Owachu hwom mang münsop, ilaxle hwom a pao üntoxle akhünle münchang. Ibu a haxzao thokle athünkya ningle haxkha ma athünüi.

JEREMIA 15:3

Hwom to khompua-zadünkya thama oli ali ibibi chang angkya bama ku, Jowanpae mongzangwünle tsuakdaoa: hwom a zanhok ma langüi; hwom mangbu a hibue linle paoüi; osabue ibu saxüi, ilaxle ota danle toxkyabu a faomüibue jokle lingüi.

MÜNCHUAK-TSAI 141:7

Afi laxle tsatle akhix daokya pünfun ningle, hwom za-tuabu a zuk-kha kax ma chiakle tüile.

MÜNCHUAK-TSAI 79:10

“Hünzom Zang a ojongto tüi?”, le, mixnokbue kwom ma büthüikoxle atüi? Nang ibu nok to sikangünkya kwome ngün ang tomhüi, chemthüikoxle hwome nang dapabu aji huanuma ajenle changdaoa.

ZEFANIA 1:17

Jowanpae thüile: “Ile khünak pangnusa wüi miksutbu lailaile akhwomle aham angkya thama khünaknüsa hato apüile koxüi. Hwome ku zongto ochax lyenle changdaoa, ilaxle athax a hwom ajibu a tijenkya ningle thokle awütüi, ilaxle hwom mangbu a kothofa to shanle za-ngoüi.”