MÜNCHUAK-TSAI 79:1 - OTSAO BAIBEL (BSI)

¹ O Zang, songsaribue nang haxtok tingtakle changdaoa. Hwome nang Zangshwom-Hom chitsaokya ang achangdaoa ilaxle Jerusalem a pünpakle ama toxdaoa.

MÜNCHUAK-TSAI 79:1 ပူးပေါင်းရင်းမြစ်များ

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

2 PUKAX-PANGAO 36:19

Chongwang homlobu hia tuinabu pangwüi füi afomle chixe Zangshwom-Hom hia tingnu zokle ashun ilaxle tingnu long katukbu atsunle ama.

MANGSOP 1:10

Zanpabue she tuina komkaile pale pao. She hwom a Zangshwom-Hom jao to nopüi ngün, Jowanpae ikhato mixnokbu a chiadün angkya kax tüikya.

JEREMIA 26:18

“Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’

JEREMIA 52:13

Chixe Zangshwom-Hom, wanghom homlo, ilaxle Jerusalem angkya okho-olo hwom hom-hax pangwüi zokle ashun;

MÜNCHUAK-TSAI 78:71

ikhato chixe chun ozyembu to hule ngokya changkya, ilaxle chixe Israel nok wanghom ang chix achang, Zang khünaknu chunnyetpa ang chix achang.

2 PUKAX-PANGAO 36:17

Ikhoma Jowanpae hwom zan to Babilon nok wanghompa akat. Wanghompa-e Judah nok naosünbu Zangshwom-Hom ma jaojao lang. Chixe owatochu chingcha ahokya chitüile, mixmüi hia naosom, sheko hia lüka, kakmix hia bwotmix owa chu shanle chitox. Zang-e hwom pangwüi chix chak to dan.

2 WANGHOMBU 24:13

ilaxle Zangshwom-Hom hia wanghom homlo ma tüikya tuina pangwüi Babilon nok to pao. Jowanpa kax lailaile, Zangshwom-Hom ma lax ang Solomon-e zingkya hun tuina komkaile Nebukadnezar-e thuple ashix.

LAIPAO 15:17

Nange hwom apüi ilaxle nang haxnu ma küi; Jowanpa, nange nang hom ang zünle kopkya haxmik ma, nang jaoe zingkya Zangshwom-Hom tüikya khama.

MIKNGÜN-OHÜN 11:2

Ikoxlechu nya-o taxthüt ngohom, chemthüikoxle ibu a lyet punyi ali Otsao Tingnu to cha füi nak angkya Zang chitsingkya khunakbu ang koxdaokya changle.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

EZEKEL 9:7

Zang-e hwom ang thüi: “Zangshwom-Hom chitsaokya ang achang kox. Ija nya-obu a mangbu füi awang ang tomkox. Mok ang sütkox!” Ikhoma hwome tingnu ma khünakbu lang ang süt.

JEREMIA 39:8

Ile changpongma, Babilon noke wanghom homlo hia khünaknu hom-haxbu zokle ashun ilaxle Jerusalem katuk thuple atsun.

ISAIA 47:6

Ku a ku khünaknu füi mongtsikle ngokya; kue hwom to ku kux chichangkya ningle hwon: kue hwom a nang tsak-zong chak to kox, ilaxle nange hwom hato chingcha ojao chiaho; zunu-zupabu to ngaxchu nange ziamale hwon.

MÜNCHUAK-TSAI 50:1

Khüthak Zang, Jowanpa akaxle; handün hia hannop tokya zangfang pangnu chixe nyakle.

ISAIA 63:18

Kwom, nang otsao khünakbu, kwom a noxta bama zanpabue jwonle asam: hwome nang shwomkya nui to tingle ama.

JEREMIA 51:51

Hünzome thüitüi, ‘Kwom a thajao wünhaile chang ang tomdaoa; kwom a monghik ashukle tüile chemthüikoxle mixnokbue Zangshwom-Hom angkya otsao nuibu bakle kopdaoa.’