MÜNCHUAK-TSAI 78:71 - OTSAO BAIBEL (BSI)

⁷¹ ikhato chixe chun ozyembu to hule ngokya changkya, ilaxle chixe Israel nok wanghom ang chix achang, Zang khünaknu chunnyetpa ang chix achang.

MÜNCHUAK-TSAI 78:71 ပူးပေါင်းရင်းမြစ်များ

2 SAMUEL 5:2

Ami kwom wanghompa ang Sol pongma Israel nok zankat lom nange azuile hüipu ilaxle nange chix khünaknu azüi angkya tamchu hwom thakma apün-awang angkya Jowanpae nang füi tsaole thompu.”

1 PUKAX-PANGAO 11:2

Ami, kem wanghompa ang Sol ngopongma ngaxchu, Israel nok a nange thothut laxle tix zan to kapu, ilaxle Jowanpa nang Zang-e, nange chix khünaknu lom azui angkya hia hwom thakma apün-awang angkya tsaosaxle thompu.”

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

MÜNCHUAK-TSAI 28:9

Jowanpa, nang khünaknu khosünhüi, opangpang nang kux hex ibu to mohimanhüi. Hwom chunnyetpa ang nang changhüi, ilaxle othuithuima hwom to humele changhüi.

PONGWANG LAIPEX 33:13

Ikoxlechu Jakop-e chix ang thüi: “Nange awan ngopu, naosom ma zong chitüi tamchu hosa füikya müibu paktikle aham angkya changle. Hwom nyixta ngaxchu atsangle jangjwon thüiningle ibu zile paoüi. Ibu to akhi-amikle chang angkya a ku mwot ang changle.

2 SAMUEL 7:8

“Idaile ku dapa Dawid ang Jowanpa Khüthak Zang-e thüitüia, ‘Kue nang a faokha to chun nyele ngokya chifün tokya Israel nok lompa ang lax ang nyakle koppu.

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

MATHI 2:6

“‘Jehudi angkya Bethlehem; nang a Jehudi chaxwan ma tüikya tingnubu khama ahixkya le münchang; Chemthüikoxle nang makhange lompa tuita lai angkya changle. Chixe ku wangpün Israel khünaknu, lom azui angkya changle.’”

2 SAMUEL 20:19

Hwom tingnu a tüle chongkya tingnu tuita changpu. Ija a Israel haxtok ma tumüi-lomkhaole hüikya tingnu tuita. Nange ija chem hanpakma amüt ang azongpu? Nange Jowanpa chem hex ija amasele tsupia?”

2 SAMUEL 24:17

Dawid-e khünaknu langle hüikya kaxtaimix ngünle lax ilaxle Jowanpa ang thüi: “Thaikya mix a ku changpu. Ochax mwot mokkya khünak a ku changpu. Ibu mixshix-zasabue chem zia amadaopu? Nange ku ilaxle ku homkha towüi zothuplax angpu?”