MÜNCHUAK-TSAI 74:2 - OTSAO BAIBEL (BSI)

² Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

MÜNCHUAK-TSAI 74:2 ပူးပေါင်းရင်းမြစ်များ

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

LAIPAO 15:16

Zakya hia khomtsikya hwom hato hüi. Hwome nang tsak-zong ngünle, O Jowanpa, da ang ngokyabu nange danle khangkho angaikya, nang khünaknue toknople machang-machangle, hwom tüle zangale ajong.

LAIPAO 15:13

Nang tsaotsüt lailaile, nange paole azünkya khünaknu lom azüi; nangtsak-nangzong makhange nang otsao chaxwan to hwom lomzun.

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

TSAITONG-KAXTONG 4:20

Ikoxle hünzom a Ijip nok to lekya okham-wün chak tokya chix azünkya changle. Anyixkya lailaile chix khünaknu ang lax ang chixe ikhatokya alaipu.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

JEREMIA 51:19

Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.

ISAIA 63:17

Nang lomtang angkya kwom omalax ang cheichakle pao ang tom? Kwome nang hato tok nam ahole kwom mong büthüikoxle tsak ang tompu? Shongchat-hüi, nang thotha-manzaile ngokyabu khokho ma thüingaxchu; ibu a jento nang kux ang ngole hüikya khünakbu changle.

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

ISAIA 62:12

Hünzom ang a “Zang Otsao Khünakbu”, “Jowanpae Sünle kopkya Khünakbu”, le a. Jerusalem ang a “Zang-e Mongkünkya Tingnu”, “Zang-e awütle Chitoxkya Tingnu”, le nyaküi.

ISAIA 51:11

Nange opang khosünle koppuix hwome mongmüi-pwonlale Jerusalem alopüi, ilaxle mongmüi atungle tsaingaole akhongüi. Hwom a othuithuima mongmüi-pwonlale ngoüi, othuithuima mongtsik hia mongma füi atsai laxle a.

MÜNCHUAK-TSAI 106:40

Ikhoma Jowanpa ang chix khünaknu füi huanuma mongma; chix a hwom füi nushix dongkya ang chang.

MÜNCHUAK-TSAI 77:15

Nang tsak-zong makhange nange nang khünaknu khosün, Jakop hia Jusep su-sa hwom a. Selah

MÜNCHUAK-TSAI 68:16

Tüle chongkya nang Bashan haxnukho ma zangshwomkyabue Jowanpa ngokya haxnukho ma zangshwomkyabu to büthüikoxle tsak-khule tüipu? Jowanpa ikhato othuithuima ngo angkya changle!

MÜNCHUAK-TSAI 33:12

Jowanpa hwom Zang ang ngole tüikya haxtok a mongmüi haxtok changle; chixe ma khünak ang kamle kopkyabu a mongmüi mixbu changle!

MÜNCHUAK-TSAI 9:11

Zaion apünle ngokya Jowanpa achuakle tsai ngaokox! Chixe chempang mokdaopuix ibu pangnok-jating to wünkox!

TSAITONG-KAXTONG 9:29

Wünhax thüikoxle, nange nang tsak-zong chongkya füi, ma khünak ang lax ang Ijip nok tokya alaile zünle kopkya khünakbu a ibu changle.’

TSAITONG-KAXTONG 9:26

Ilaxle kue zangjop, ‘Jowanpa Khüthak Zang, nang tsak-zong chongkya füi azün laxle Ijip nok tokya danle apüikya nang khünaknu max ang taxtom.

MÜNCHUAK-TSAI 9:12

Sikngün apong daokyabu Zang-e texle atakle; hwom sopkya chixe münalak, üntoxle hwom to thaile mokdaokyabu to chixe sikngün fale.

MÜNCHUAK-TSAI 94:14

Jowanpa chix khünakbu danle müntoxüi; opang chix kux changpuix, ibu chixe tsiakle müntox.

ISAIA 62:6

Jerusalem, nang katukbu ma, Kue nyetmixbu danle thomdaoa; Hwom a zangnak zangngai dangle ngo angkya münchang. Hwome Jowanpa hama chix kaxtsaobu wünle lüwüi ngoüi, Ilaxle chix ang ibu alakle asam ang müntomüi.