MÜNCHUAK-TSAI 72:7 - OTSAO BAIBEL (BSI)

⁷ Chix tsün ma otsao a tüle putsale naxchang, ilaxle ahak-aluakya lyetnue fale ngokya kople naxngokox.

MÜNCHUAK-TSAI 72:7 ပူးပေါင်းရင်းမြစ်များ

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

MÜNCHUAK-TSAI 92:12

Otsao khünakbu a pam pünbu lailaile ahui-alyale pu-tsaüi; hwom a Lebanon angkya sedar pün lailaile tsongüi.

KAXHO MÜIKYA LUK 2:14

“Zangkho atsua kya khato, Zang fuazang kya naxtüi; zangfang ma chix mongmüikyabu füi, mongsom naxtüi!”

ISAIA 60:22

Hünzom khama ahixkya hia puinaile tüikya homkha ngaxchu Tüle chongle tüikya onok tuita ningle tsak-zongle tüiüi. Chemtue chaxwan zanghan nguile hüiüihex, Kue ija chwonle chang ang tomüi. Ku a Jowanpa changle!”

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

KAXHO MÜIKYA LUK 1:33

ilaxle Jakop sixli apün ang chix othuithuima chongwang le ngoüi; chix wangting münashuk toxüi!”

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

ISAIA 60:1

Zolax, Jerusalem, ilaxle senuja ningle nyanlax; Jowanpa fuazang a hünzom to nyanle tüile!

1 WANGHOMBU 4:25

Chix ozün ma ngokya kople, Judah hia Israel angkya khünaknu pangwüi, kako foto makuxkuxle grep manzai hia fupsa pünbu füi ngo.

1 WANGHOMBU 5:4

Ikoxle athax a Jowanpa ku Zang-e ku tomzi nok pangnusa füi nokmüi ang achangle tüile. Ku ang a zanpa owachu müntüi idaile owawae single hüi angkya ku hanpakma thama müntüi.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”