MÜNCHUAK-TSAI 72:12 - OTSAO BAIBEL (BSI)

¹² Chix to nyakkya mixshix-zasabu pangwüi kho chixe sünle, üntoxle chitüi-chinangkyabu hia e-ma chilaxle ahai thomkyabu chuwüi chixe sünle.

MÜNCHUAK-TSAI 72:12 ပူးပေါင်းရင်းမြစ်များ

JOB LAIPEX 29:12

Mixshix zasabu sop-jua pongma kue hwom to fong. Pao nui chitüikya khaxsa naobu to kue fong.

MÜNCHUAK-TSAI 102:17

Chixe chilaxle awüt thomdaokya chix khünakbu kax atatüi ilaxle hwom zangjop zing apaüi.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

HWON-NWOT-JAONO 4:1

Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.

MÜNCHUAK-TSAI 10:17

Jowanpa, nange a puinaikyabu zangjop to apa angkya wüi; nange hwom ang chachen-mongchen kox angkya changle.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

ISAIA 41:17

“Chemtue ku khünakbue mwot tüipongma ti lomle changüihex, chemtue tilane hwom dingdua zanle changüihex, ipongma ku, Jowanpae, hwom zangjop to lanüi; Ku, Israel nok Zang-e hwom otuechu danle müntox.

MÜNCHUAK-TSAI 72:4

Mixshix-zasabu to wanghome masüi-mix-chilüile kaxfün naxfa; chitüi-chinangkyabu to chixe naxfong ilaxle hwom to afangle thomkyabu to naxlüt.

KAXHO MÜIKYA LUK 7:22

Chixe Juhan Mwot-tsan nyi ang thüi: “Hünkhi chatlax ilaxle hünkhie chempang ngünpuix üntoxle atatpuix ibu Juhan hama wünle laxkox: Mikduakbue ngün ang kople, chafai mix ahamle, üntoxle angwonbu amüile; naba mixe atat ang koxle, zidaokyabu azangle zole, ilaxle Kaxho Müikya zasabu hato apukle;

MÜNCHUAK-TSAI 102:20

Kun ma thomkyabu wotkya zing chixe atatle ilaxle ozik-omüt hanpak tsaitsuak-kaxtsuakle changdaokyabu chixe danle apao.

1 SAMUEL 22:2

Mix fang to ngokya hia thashe füikya tamchu otuechu mongzom chimüi toxkya khünakbu chix hato ngui, pangnu athüt koxle hwom ho-ali khünak, ilaxle chix a hwom lompa ang achang.

2 SAMUEL 14:16

Ija daile nange ku kax to apaüi ilaxle ku sasün kukhi langlaxle Zang-e chix khünaknu ang koxkya haxtok angkya kukhi apao ang atumle ngokyabu chak tokya kukhi azünüile thütpu.

JOB LAIPEX 36:15

Ikoxlechu Zang-e khünak ang sikngün makhange anwot-anole koxpu, thajao-wünhai a hwom mikzam ang twonpu.

MÜNCHUAK-TSAI 55:17

Swome, tungtoe, üntoxle zangnake ku kaxthup-ngaotün hia awaokya chix hato dongle, ilaxle chixe ku kaxzing atatlaxüi.

WANWÜNKAX 29:7

Müikya khünak tuitae chitüi-chinang khünak süntswon awanle, ikoxle chichang-chizangkya khünake ibu münawan.