MÜNCHUAK-TSAI 71:7 - OTSAO BAIBEL (BSI)

⁷ Ku tsün a khünaknu hanpakma tuita apyen angkya tsün changpu, chemthüikoxle nang a tsak-zong füikya ku ziakopmix changpu.

MÜNCHUAK-TSAI 71:7 ပူးပေါင်းရင်းမြစ်များ

ISAIA 8:18

Ikhama ku Jowanpae ku ang koxkya naosom hwom füi tüile. Jowanpa Khüthak Zang owa ngwotnui Zaion Haxnu ma tüipuix, chixe kwom a khüzün kaxho tuita ang ahüikya changle.

1 KORIN 4:9

Khünak hia kaxtaimix, zangfang nok miksho ma mütkop daokya mix noknu hato ahokya ningle, Zange kwom wangshembu chifün oshuk oza to zingkya changüi le kue texle.

WANGSHEMBU MWOT 4:13

Pitar hia Juhan nyi mongchongkya ngünlaxle hokhi a man-ngünkya chemchu chitüikya nyi le awanlaxle nguawangbu pangwüi abüt. Okhi a Jisu füi ngokya nyi changpu le hwome tsingle lax.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

MÜNCHUAK-TSAI 62:7

Ku khosün hia münchong Zang füifüi; chix a ku kho-awapa changle chongkya janzüi füi; chix a ku zakzui angkya nui müikya changpu.

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,

ZEKARIA 3:6

Ifüima Jowanpa Khüthak Zang kaxtaimixe Jihusua ang thüi:

MÜNCHUAK-TSAI 61:3

chemthüikoxle nang a ku kho-awapa changpu, nang tix zanpabu tunthoma shingmongkya ku ziakop changpu.

MÜNCHUAK-TSAI 62:8

Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

MÜNCHUAK-TSAI 62:9

Khünak mixsa a tuita zakfaox wünkhut ningle; chongpuix hipuix pangwüi muakya changle. Chem thakhochu chingui ibu tuak ma thütle ano koxle; ibu a mütle alaikya zak füingaxchu chale.

ZEKARIA 3:8

Ikhoma Nguakho ang ngokya Jihusua, nange apakoplax; üntoxle chix füikya zompu-zangpabu hünzomechu apakoplax, hünzom a füichi shomüi hanpak münwan changle: Kue Pünkang le nyakkya ku da, kue ngaile ahofaüi!