MÜNCHUAK-TSAI 71:22 - OTSAO BAIBEL (BSI)

²² Kue otsingtomtata ma thuaput waxmaibu füi nang achuaküi; kue chialekya nang mongong bama nang achuaküi, ku Zang. Ku thuaput waxmai ma kue achuakle tsai ngaoüi, nang a Israel nok Otsao Zang changle.

MÜNCHUAK-TSAI 71:22 ပူးပေါင်းရင်းမြစ်များ

2 WANGHOMBU 19:22

Nange owa cha nyipuix tamchu owa to adix-adale changpuixle thüt? Nange ku, Israel nok otsao Zang adix-adapu.

MÜNCHUAK-TSAI 33:2

Khopsyabu akhaole Jowanpa ang münchong fakox, chix hanpakma zu füi zingkya waxmaibu füi tsai ngaokox.

MÜNCHUAK-TSAI 89:18

Nange, O Jowanpa, kwom kho-awapa zünle kop; nang, Israel nok otsao Zang-e kwom ang wanghom koxpu.

ISAIA 60:9

Ibu a tsailo nok tokya nguile ngokya khuabu changle, Zang khünakbu ibu ma nguile ngole. Hwom füi tomle ibue hun hia khopbu laxlaxle nguile Jowanpa mün achuak-achen angkya hanpakma, Israel nok otsao Zang a, Owae chaxwannu noke chix achuak angkya zingle tsuaklaxpuix.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

ISAIA 5:24

Ikhoma athaxpi, chemle tsaxsa hia fum zik asoxlaxle wün to zokle ashunpuix, ilailaile nang tsing a fuaküi ilaxle nang song chuile ngokyabu zanle ziüi üntoxle zangwin to pikle paoüi, chemthüikoxle hünzome Khüthak Jowanpa, Israel nok Zang-e kem hama anwot-anokya chilaxle awütkoxpu.

MÜNCHUAK-TSAI 144:9

O Zang, kue nang ang tsaizün tuita ngaoüi; kue thuaput-waxmai mütle nang achuakle tsai ngaoüi.

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

MIKA 7:20

Nange nang khünaknu, Abraham hia Jakop sixlibu, kwom putong hwom füi nange tsaole thomdaokya ningle, kwom hato chialekya mongong hia chizakkya nang mongkün aho angkya changle.

ISAIA 43:3

Chemthüikoxle Jowanpa hünzom Zang ku a, Israel nok otsao Zang, hünzom khosünkya mix changle. Hünzom khangkho sün angkya hanpakma kue Ijip nok dantoxdaoa; Kue Etheopia ilaxle Seba dantoxüi.

ISAIA 5:19

Hünzome thüile: “Jowanpae chixe moküihex-ole akax daokya nonokhaile naxmokdao, ikoxle tix kwome ija ngünle lax ang thoüi. Israel nok otsao Zang-e chix mwot mokle naxle-kox; chix mongto chemle texpuix, keme shong-huhax.”

ISAIA 5:16

Ikoxlechu sukya mwot mokkya tokhange Khüthak Jowanpae chix chongkya ahole, ilaxle chix khünak to kaxfün fakya tokhange chixe chix otsao angaile ahole.

MÜNCHUAK-TSAI 138:2

Kue nang Zangshwom-Hom chitho thün ahopu, akhuxpu, üntoxle nang mün achuak-achenpu; ija a chizakkya nang mongkün hia chialekya nang mongong khoma, chemthüikoxle nang mün hia nang kaxtombu a akhokya changle le nange ahodaoa.

MÜNCHUAK-TSAI 89:1

O Jowanpa, othuithuima kue janchiabakya nang mongkün bama tsai ngaoüi; kue chialekya nang mongong bama othuithuima apuküi.

MÜNCHUAK-TSAI 78:41

Chatchatnaole hwome Zang to thwontsing ilaxle Israel nok Otsao Zang to kak ang tom.

MÜNCHUAK-TSAI 56:4

Ku a münza, kue Zang to mongongpu; chixe ku ang chem kaxtsao fapuix ija bama kue chix achuakpu. Khünak tomtatae ku to chemthüi thoüi?

MÜNCHUAK-TSAI 25:10

Chix Tsaotsüt hia chix kaxtombu thomkya khünak pangnu, mongong tüikya hia mongkün füi chixe azui.

ROM NOK HATO ZAKYA POL LAIZA 15:8

Chemthüikoxle putong hwom füikya Zang kaxtsao changle ngai angkya hanpakma, ilaxle chix chingcha khoma mixnokbuechu Zang achuak achen angkya bama,

MÜNCHUAK-TSAI 43:4

O Zang, ifüima ku nang tö-tsap hato nguiüi; nang a ku mongmüi otong changle. Kue ku waxmai mütle nang achuakle tsai ngaoüi, O Zang, ku Zang.

MÜNCHUAK-TSAI 98:4

Chaxwannu pangnu, Jowanpa ang mongmüi ahole tsai ngaokox; tsai füi chix achuak üntoxle mongmüile akhong kox!

MÜNCHUAK-TSAI 98:5

Jowanpa achuakle tsai ngaokox! Thuaput-waxmaibu mütle angaokox!