MÜNCHUAK-TSAI 71:20 - OTSAO BAIBEL (BSI)

²⁰ Nange ku hato sikngün tuitaibu ahüi, ikoxlechu nange wüi ku tsak-zong chatle chat ang tomüi; nange ku zuk-kha tole ang müntom.

MÜNCHUAK-TSAI 71:20 ပူးပေါင်းရင်းမြစ်များ

MÜNCHUAK-TSAI 138:7

Chemtue ku to sikngüne akhop-khakle changpuix, nange ku kho sünle thom. Mongtsik ashukkya ku zanpabu füi nang alün ilaxle nang tsak-zong füi ku sünle kop.

MÜNCHUAK-TSAI 60:3

Nange nang khünaknue sikngün huanu apong ang tomle; kwom a jutokmixbu lailaile khotukhonguile ahamle.

MÜNCHUAK-TSAI 86:13

Chizakle ku tokya nang mongkün chemtukux chongpuix! Nange ku zuk-kha tokya jao khosünle kop.

MÜNCHUAK-TSAI 80:18

Kwome tütue chu nang hato tok münaho; kwom ozün ma thom hüi, ilaxle kwome nang achuakle changüi.

JONA 2:6

Ku a haxnubu tsingjukya khato jao jupu, otuechu pan ka chidaple hakle thomkya chaxwan to a. Ikoxlechu, O Jowanpa ku Zang, jithong tokya ku ozün ma achatfa.

MÜNCHUAK-TSAI 119:25

Ku a mixe lütlaxle haxbu khato nguakle tüile; nange tsaodaokya ningle ku chatle azünhüi.

MÜNCHUAK-TSAI 16:10

chemthüikoxle zikmüt-mangkho pangnu tsak-zong chak tokya nange ku sünle thompu. Mongong tüikya füi kue nang thothapu, ilaxle nange ku amalum fangto awütle chichangüi.

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

EFISIA 4:9

Athax “Chix ding to dong”, le chem ang thüi? Ija a pongwang ma chix chaxwannu tüle zukya khato shongju kopkya kax changle.

MARK 15:34

Üntoxle azom baji shene Jisu-e ozing alaile: “Eloi, Eloi, Lamasabakthani?”, le akhong.

ISAIA 38:17

Ku mongmüt a mongsom ang achangüi. Nange ku tsün thama pangnu chak tokya khosünle kop nange ku ochax pangwüi thailakkya tüi.

ISAIA 26:19

Ziünkya kem khünakbu tamchatle azangüi! Hwom tsangtsa azangle chatüi. Hwom opang zukting ma jiple ngotüipuix ibu zolaxle mongmüile tsai ngaoüi. Nyenti atsitle saikyae chemle chaxwantok azün ang tompuix, ija ningle Jowanpae kaiwüi zile ngoünkyabu azün ang tomüi.

MÜNCHUAK-TSAI 85:6

Kwom chatle tam tsak-zongle chang ang tomhüi, ilaxle kwome, kwom khünakbue nang achuak-achenle changüi.

2 SAMUEL 12:11

Kue tsaosaxpu, nang homkha angkya tütapue nang hato tingtui apüi angkya changle. Kue nang kakobu nang chak angkya pale paolaxle mix ang koxle changkya zuma nange ija nang mik füi ngün ang kopüi; ilaxle khünak ibue zangngai zezele hwom füi chinunchakkaile changüi.

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.

1 SAMUEL 2:6

Jowanpae khüzün amüt tamchu khüzün koxle; chixe khünakbu amalum pan fangto le ang tom, ilaxle ikha tokya chixe wüi tamchatle apüi.

MÜNCHUAK-TSAI 60:5

Nang janzüi füi kwom khosünle changhüi; kwom zangjop to lanhüi, ile nange mongkünkya khünaknu khangkho sünkya naxtüi lax ang.

MÜNCHUAK-TSAI 95:4

Azukya longkun tokhange atsuakya haxnukho alople chixe zangfang pangwüi to apünle.