MÜNCHUAK-TSAI 71:18 - OTSAO BAIBEL (BSI)

¹⁸ Athax ku azudaoa ilaxle kho thole changdaoa, O Zang, ku danle taxtox! Kue nang tsak-zong hia janzüi bama khuapule changpongma ku füi ngohüi hüile ngokya tsüntsün ma a.

MÜNCHUAK-TSAI 71:18 ပူးပေါင်းရင်းမြစ်များ

ISAIA 46:4

Ku a hünzom Zang changpu ilaxle kue hünzom to humele thomüi hünzom azule khothokya kople a. Hünzom kue zingpu ilaxle kue humele thomüi; kue hünzom to fongüi ilaxle hünzom khosünüi.

MÜNCHUAK-TSAI 71:9

Athax ku azudaoale awütle taxtox; athaxpi azuk-atsya ündaile ku danle taxtox.

MÜNCHUAK-TSAI 78:4

Keme ibu kem su-sa hwom thoto pyenle münthomüi; keme füinao hwom hama wünle koxüi Jowanpa tsak-zong hia chix mwotbu bama a ilaxlechu chixe mokdaokya ohünotün mwotbu bama a.

MÜNCHUAK-TSAI 78:6

ikoxle tix füinao hwome ibu tsingle naxkoplax ang üntoxle hwome chuwüi taile su-sa hwom hama naxwünlax ang.

MÜNCHUAK-TSAI 22:31

“Jowanpa-e chix khünakbu khosünle” le mapux-mapaikya khünakbu hama apuaüi.

ISAIA 51:9

Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

1 SAMUEL 4:18

Chemtue ija mixsüne Jowanpa Tsaotsüt Suak Filistia nok chak to dongdaoale thüipuix, Eli a chix ngwotnui angkya nuakfüi chito nguak. Chix a müimamale azupu ibomachu pangnu shoma athütle nguakkya zuma ngom pak, ilaxle chix a ikhama pan ma zi. Chixe Israel nok zanglao 40 azüi.

WANGSHEMBU MWOT 13:36

Chemthüikoxle Dawid-e chix tsüntsün ma Jowanpa mongtex mwottho tha; ifüima chix zi, üntoxle chix hopu hwom zuima akhün, ilaxle chix tsangtsa a shanle pao.

ISAIA 53:1

Khünaknue lan, Athax kwome kaxwün wangkya to owae ongse dai? Ija ma Jowanpa chak owae ngünse dai?

1 SAMUEL 4:15

(Eli a 98 zanglao nguile mike ojao chingünle azupa tuita changkya.)

LAIPAO 13:8

Pangpwon owang wangkya zuma, Ijip nok angkya hünzom alaile pao angkya hanpakma Jowanpae tüle ohünotün mwotbu mokle changdaokya khoma, ija chialak angkya hanpakma ija pangpwon nuipule hünzome masu-masa hwom hama apua angkya changle.

PONGWANG LAIPEX 27:1

Athaxpi Isak a müimamale azule mike ngaxchu chingünle chang. Chixe sasün tüichongpa Esau nyakle thüi: “Ku sa!” Chix tsale lan: “Ui, ku ikhama tüile.”

MÜNCHUAK-TSAI 48:14

“Ija Zang a othuithuima kem Zang changle; mahüikya hanpak pangnu ma chixe kem lomzunüi.”