MÜNCHUAK-TSAI 71:16 - OTSAO BAIBEL (BSI)

¹⁶ Ku a Jowan Zang tsak-zong ma paoüi; kue nang müikya, nang tata müikya bama apuküi.

MÜNCHUAK-TSAI 71:16 ပူးပေါင်းရင်းမြစ်များ

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

MÜNCHUAK-TSAI 51:14

Ku khüzün panle toxhüi, O Jowanpa, üntoxle ku khosünle kop hüi, üntoxle mongmüi-pwonla atungle kue nang otsao apuküi.

2 THESALONIKA 1:6

Zange oja supuix ija moküi; hünzom sikngün ang tomkyabu hato Zange sikngün apüi koxüi;

EFISIA 6:10

Oshukma, chix tsakzong chongkya makhange, Jowanpa füikya notom ma hünzom tsakzong alailax.

EFISIA 3:16

Fuazangle chix ahak-aluale tüikya kha tokya hünzom mong ma zong adün angkya bama Chasa makhange zong laxkoxle kue Zang ma jupu,

ZEKARIA 10:12

Kue ku khünaknu tsak-zongle chang ang tomüi; hwome ku to shwomüi ilaxle ku kax ma laxle tüiüi.” Jowanpae akaxdaoa.

MÜNCHUAK-TSAI 71:24

Han ahomle kue nang otsao mo wünüi, chemthüikoxle ku to mak-kha ang azongkyabu pangwüi to lütlaxle hwom chingcha ojao chitüile asamdaoa.

MÜNCHUAK-TSAI 71:15

Nang müikya bama kue wünwüi wünüi; han ahomle kue nang khosün mo wünle changüi, nang mongkün a kue tsingtsuakkya sasa chichang.

2 TIMOTHI 2:1

Kusa Timothi, Khrista Jisu füikya notom ma kem tomkux ang tüikya chingcha ma tsakzong le tüikox.

ROM NOK HATO ZAKYA POL LAIZA 10:3

Zange khünak füi muamüi ang lomkya olom hwome ma-awan, ilaxle hwome Zang zongma sukya lom hwom lailai to zingle lax ang azongle; ilaxle Zange khünak füi muamüi angkya olom tandaokya hato hwom hüise müntsu.

ROM NOK HATO ZAKYA POL LAIZA 3:21

Ikoxle athax a Zange khünak chix füi muamüi angkya olom a ngaile ahodaoa, ilaxle ija ma wanlom füi saxmok angkya chemchu müntüi. Wanlom üntoxle ajebue ija to hwom kaxkhi fale changkox a le thüile!

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

ISAIA 63:7

Mong chiathokya Jowanpa mongkün mo kue wünüi; Kwom hanpakma chixe mokdaokyadu hanpak ang kue chix achuakpu. Chixe Israel nok to okhonguile mohimanle chix chingcha hia chizakkya mongkün tüikya khoma.

ISAIA 40:31

Ikoxlechu opangsa Jowanpa to mongong thompuix ibue hwom ang janzüi tüile ngokya awanle laxle. Hwom a lawangbu ningle ozang füi piüi; hwom ziküi ikoxle china-chijuaüi; hwom ahamüi ikoxlechu chisho-chinaiüi.

ISAIA 26:13

Jowanpa kwom Zang, kwom to mixe apün laxle ngole hüipu, ikoxlechu kwom Jowanpa a nang tata wüi.

MÜNCHUAK-TSAI 106:2

Chixe mokdaokya ipongpong chongkya mwotbu mo owae wüntsuaküi? Okho-anguile chix owae achuak ang thoüi?

MÜNCHUAK-TSAI 71:19

Zang, nang otsaoe zangdingkho alople tüile. Nange tüle chongkya mwot mokle tsuakdaoa; nang lailaikya owachu müntüi.

MÜNCHUAK-TSAI 71:2

Chemthüikoxle nang a otsao changle, ku to fongfa üntoxle ku kho awa fa. Ku kax apahüi tamchu ku khosünle fahüi!

MÜNCHUAK-TSAI 29:11

Jowanpae chix khünaknu ang janzüi kox üntoxle mongsom füi hwom to mohiman.

TSAITONG-KAXTONG 33:25

Chix tinglongbu a jan zünkaibu füi ziakople naxtüi, Ilaxle jento chix a khangkhosünle naxngo.”