MÜNCHUAK-TSAI 7:9 - OTSAO BAIBEL (BSI)

⁹ Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

MÜNCHUAK-TSAI 7:9 ပူးပေါင်းရင်းမြစ်များ

JEREMIA 11:20

Ifüima kue zangjop: “Jowanpa Khüthak Zang, nang a sukya kaxfünpa tuita; khünaknu tuthüt mongjang nange wanle ngopu. Ku zangwün otong kue hünzom chak ma danpu; idaile hünzome ibu khünakbu to olüix khomle changkya to kue hule ngofang.”

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

JEREMIA 20:12

Ikoxle, Jowanpa Khüthak Zang, nange khünaknu to zukya lom ma thwontsingpu; hwom kün-hi-mongkha ma chem tüipuix nang tikle ngopu. Ikhoma nange ku zanpabu to olüix khomle changkya kue ngün ang tomhüi, chemthüikoxle ku künduk mongthang kue nang chak to koxdaoa.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

MÜNCHUAK-TSAI 139:1

Jowanpa, nange ku to thwontsingle anopu ilaxle ku tsingle laxpu.

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

MÜNCHUAK-TSAI 37:23

Kem le angkya lomtang ma Jowanpa kem lomzunle üntoxle chix mong amüikyabu chixe khosele kople.

MÜNCHUAK-TSAI 26:2

Jowanpa, ku to thwontsingle tamchu wanle anohu; ku mongtsukya hia tutex, ibu to kaxfün fale anohu.

MÜNCHUAK-TSAI 11:5

Chixe chimüikya hia müikya khünak pangnu to tomwüi wanle anole; wanlom fang ma chingo tsuakkyabu to chixe mong makhange jao anule.

MÜNCHUAK-TSAI 10:15

Chichangchizangkya hia ochax khünakbu tsak-zong akhix awütkox; hwome mokkya othai mwot hanpakma hwom sikangün kox hwome ibu mwot danle matox-matoxle.

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

MÜNCHUAK-TSAI 17:3

Nange ku mongkha awan ngopu. Nang ku hato zangnak ma nguipu; nange ku to komkaile wanle anopu, ilaxle ku ma ochax lom to mongtsukya chemchu chiatakpu. Mix lailaile

WANGSHEMBU MWOT 12:23

Ifüi tomle kaxtaimixe Herod to hongle anguak, chemthüikoxle chixe Zang chathua zakya chitüi. Chix a chonge sax ilaxle zi.

MÜNCHUAK-TSAI 58:6

O Zang, ibu za-adünkya mailangbu owa akhaidao.

MÜNCHUAK-TSAI 10:18

Afangle thomkya hia zasa-khaxsabu sopkya zing nange atat angkya changle; nange hwomchi ma sele kaxfün faüi, ikoxle tix ziün angkya khünake thama mwot chatle tammünmok.

DANEL 11:45

Chixe chongkya chix wanghom Nyihom tinu hia haxhua nyi zo ma, Zangshwom-Hom ajongle tüikya khama zingüi. Ikoxle chix to asunle fa angkya mix tuita chitüile chix a zile paoüi.”

MÜNCHUAK-TSAI 40:2

Za-adünkya tswomkha tokya chixe ku syetle alai, khünak mik amütfang sak khatokya a. Chixe ku longnu tok ma danle azün üntoxle ku ziakople thom.

1 SAMUEL 2:9

“Chix to mongong-chalomle tüikya khünakbu kho chixe awa, ikoxle chichang-chizangkyabu a zangnak fangto asam; khünak tuita ang chix tsak-zong füi tholünkya kha chitüi.

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

PONGWANG LAIPEX 20:5

Abraham chix jaoe she a chix nanao changpule akaxpu, ilaxle she-e chuwüi ile thüipu. Kue ija küntsao-mongthakya füi mokpu, ilaxle ku thaithaxle machang.”

1 WANGHOMBU 8:32

O Jowanpa, zangkangting tokhange apahüi ilaxle nang dabu bama kaxfün fahüi. Chix ma asukya ningle thaikya mix to sikangünkox, ilaxle chithaikya mix a sukya ang achang kox.

MÜNCHUAK-TSAI 9:9

Müt-mix shun-mixbu hanpakma Jowanpa a khangkhom nui, thangnak pongma khang azang angkya onui.

MÜNCHUAK-TSAI 18:21

Kue Jowanpa kaxtom kax ma laxle hüipu; Kue ku Zang hato tok otuechu chiahopu.

MÜNCHUAK-TSAI 35:23

O Jowanpa, nang ajong üntoxle ku khose hüi; ajonglax, ku Zang, üntoxle ku zangwün tsaitong-kaxza bama chingcha juhüi.

MÜNCHUAK-TSAI 43:1

O Zang, ku a chemmün chiawankya changle le ngaifa, üntoxle Zang chilaxle tüikyabue ku ma tsaitox-kaxfele tüikya chak tokya ku kho-awale thomfa; tsetwon-khualop hia ochax khünakbu chak tokya azünfa!

MÜNCHUAK-TSAI 96:10

Pangnu jat-li hama: “Jowanpa a Chongwangpa changpu; chaxwannu a onui ma shingmongle dan thomle ilaxle ija a amok ang münthoüi; chixe sukya kaxfün füi chaxwannu kaxfün faüi”, le thüikox!

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.