MÜNCHUAK-TSAI 69:20 - OTSAO BAIBEL (BSI)

²⁰ Ajao-ahaikyae ku mong ashixle, ilaxle ku a khopi-napale tüile. Kue chingchajaja to sunghudaoa, ikoxle owaechu chingchakya chitüi; ku mong asomkya angkya khünak kue tuita chiatak.

MÜNCHUAK-TSAI 69:20 ပူးပေါင်းရင်းမြစ်များ

ISAIA 63:5

Ku to asun ang owachu chihüikya ngünlaxle ku hu üntoxle ku abütpu. Ikoxlechu ku mongtsike ku tsak ang tompu, ilaxle ku tatae wüi anaole tsuakpu.

MÜNCHUAK-TSAI 142:4

Chemtue kue nong-tsax to hule anopuix, kue ku to asun angkya mix owachu chingün, ku kho-awa angkya mix owachu chitüi. Owaechu ku tuitexkya chitüi.

MARK 14:50

Ifüima wangshem hwom pange wüi chix danle tox, ilaxle pao ma süt.

MATHI 26:56

Ikoxlechu ibu pangnu a Otsao Lai ma ajele zale thomdaokya kax changle kotok to ngai angkya hanpakma ile changpu.” Ifüima wangshembu chix danle toxlaxle afale pao.

IBRI 11:36

Züizüie adix-adale hwon üntoxle zu füi fit, üntoxle mamabu a janbüi füi khak laxle kun ma sho ang pao.

JUHAN 16:32

Hulax, hünzom a mahomhom to afa le paoüi ikoxle ku tata danle toxüi; iningkya hanpak nguile hüile. Ija hanpak a athax changle. Ikoxlechu ku a kutata le chichang; chemthüikoxle Apa a ku füi tüile.

JUHAN 12:27

“Athax ku mongto jepale; kue chemle thüiüi? Apa, ija hanpak ku hato hüi ang taxfaünfa, le thüiüi le hia? Münchang, ija ziamong akaile le angkya hanpakmale ku ija chaxwannu to nguikya changpu.

MARK 14:37

Ilaxle chix chatkya thoma wangshem hwom jiple bang. Chixe Pitar füi akax: “Simon, nang jiple ngopia? Nang khonta tuita mik azangle ngo ang müntho hexnyi?

MÜNCHUAK-TSAI 123:4

Hakpabue okuilole kwom wanjaile hüidao ilaxle ongam füi zothupkyabue mongtex ma aza-anale hüidaoa.

MÜNCHUAK-TSAI 42:10

Hwome adix-adakyae ku zutle akhix ngole, chemthüikoxle chizakle hwome ku ma atüi ngole, “Nang Zang ojong to tüi?”

MÜNCHUAK-TSAI 42:6

Zanda ang ngolaxle ikhato ku mong ashixle, ikhoma ku mongjang chix hato achatpu. Chixe ku chasa hato sikngün angkya tinu tichap ahüile; olithu angkyae tichen lailaile ku to tsele, Harmon haxnu hia Mizar haxnu tokhange Jordan shuanu ma tsaktsakdungle dütkya sapnu ti lailaile.