MÜNCHUAK-TSAI 69:14 - OTSAO BAIBEL (BSI)

¹⁴ Thomkha to dütle maxüi ku azünhüi; ku zanpabu chak tokya ku sünle thom hüi, tüle zukya tinu chak tokya khosünle a.

MÜNCHUAK-TSAI 69:14 ပူးပေါင်းရင်းမြစ်များ

MÜNCHUAK-TSAI 144:7

Ding tokya thailaxle, jithong tokya bele alaile ku azünhüi; mixnokbu tsak-zong chak tokya ku khosünhüi;

MÜNCHUAK-TSAI 109:21

Ikoxlechu, O Zang ku Jowanpa, nang kaxtsao tüikya ningle ku to asunhüi, ilaxle müikya nang mongkün tüikya khoma ku sünle kop-hüi.

KAXHO MÜIKYA LUK 19:27

Idaile ku hwom wanghom ang achangsele chitsukya ku zanbu ikha to apüihüi ilaxle hwom ku pomtho ma langkox.’”

KAXHO MÜIKYA LUK 19:14

Ikoxle ikha tokya nokpubue chix to chilua ilaxle chix füima lüile kaxhomix achatle thüi: ‘Ija khünak kwom wanghom ang achang angkya to kwome münlua.’

MARK 15:34

Üntoxle azom baji shene Jisu-e ozing alaile: “Eloi, Eloi, Lamasabakthani?”, le akhong.

MANGSOP 3:55

“Tswom othong tokhange, O Jowanpa, kue nang to nyakle akhong.

MÜNCHUAK-TSAI 109:3

ilaxle hwome ku mo amale wünle; chemtsai-chemkax chitüi khato ku zan to kale.

MÜNCHUAK-TSAI 69:15

Tinu-mualyemkya ku hato hüi ang taxtom; jithong to adütle laxle ku tie ling ang taxtom chichangba zuk khae ku saxjokpupule jok ang taxtom.

MÜNCHUAK-TSAI 42:2

Ozün ma tüikya Zang, nang sungkya tilan kuma tüile. Kue nang ngwotnui to nguilaxle chemtue nang shwom ang thoüi?

MÜNCHUAK-TSAI 35:19

Ibu tselop, ku zanpabue, ku to lütkya wanjai ang taxtom. Chemtsai-chemkax chitüi khato ku to miktsakkyabue ku mongma ngünlaxle mongmüile wanjaikya tüi ang taxtom.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

JONA 2:8

Opange laxli chitüikya chapabu to shwomle changpuix, ibue nang tsai-kax ma laxkya dantoxpu.