MÜNCHUAK-TSAI 69:13 - OTSAO BAIBEL (BSI)

¹³ Ikoxlechu ku hanpakma, kue nang towüi jopüi, Jowanpa; nang mongtsukya khama, nange ku zangjop to lanhüi, Zang. Nang mongkün chongkya khoma ku zangjop to lanhüi, chemthüikoxle khosün ba angkya nang kaxtsao nange otia ma thomle.

MÜNCHUAK-TSAI 69:13 ပူးပေါင်းရင်းမြစ်များ

2 KORIN 6:2

Chemthüikoxle Zange akax: “Hünzome ku lom pongma, kue hünzom to fongpu; hünzom khosün tuk nguikya zuma, kue hünzom to asunpu.” Apalax! Zang chingcha pongle lax angkya a athax changle; khosün kop angkya hanpak a anyix changle!

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

MÜNCHUAK-TSAI 91:15

Chemtue hwome ku nyaküihex, kue hwom to lanüi; chemtue hwom thangnak ma asuüihex, ku a hwom füi tüiüi. Kue hwom azünüi ilaxle hwom achuak-achenüi.

1 SAMUEL 25:8

Nange hwom füi tiknolax ilaxle hwome pangwüi wünle faüi. Kwom a pangpwon tukma nguipu, ilaxle Dawid-e, kwom wün müile pongle kopkoxle thüile. Nange chemtukux tsuak puix, kwom ang tamchu nang zuikhui Dawid ang fahüi.”

1 PITAR 2:23

Chix adix-ada pongma anongle chixe adix-adale chichang; chix sikangün pongma chixe aza-anale chichang; ikoxlechu otsingtsing kaxfünpa, Zang ma chix monghom thom.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

ISAIA 55:6

Jowanpa hato chatlax ilaxle chix to zangjoplax, athax chix a hoxhoxle tüile.

PONGWANG LAIPEX 24:27

Chixe thüi: “Ma kaxtsao otya ma thom ang thokya Jowanpa, ku hopupa Abraham Zang kue achuakpu. Jowanpae ku küithole ku hopupa hwom mamix hato apüidaoa.”

KAXHO MÜIKYA LUK 22:44

üntoxle chix zangmuk ti aji ningle jenle hax to düt.

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

MÜNCHUAK-TSAI 51:1

O Zang, ku to chingcha hüi, tamchu chizakkya nang mongkün tokhange. Nang jaja chongkya makhange ku ochaxbu fwotle amüt hüi!

MÜNCHUAK-TSAI 32:6

Ikhoma nang kax ma laxle khünak pangnue lom pongma nang to jop angkya changle; tichen lailaile hüikya thangnak tuitae hwom ha alople chichang angkya hanpakma a.

ESTAR 7:2

Ija a othom anyi lükya fongsüt changkya. Jutok laxle wanghompa-e she ang tamchatle chuwüi akax: “Wangcha Estar, athax nange chem laxse tsupu? Nange ku hama akaxhüi, kue ija nang ang koxüi. Kue nang ang ku wangting süifi changkox-ngaxchu koxüi.”

ESTAR 5:6

Jutok laxle wanghompa-e Estar ang thüi: “Nange chem laxse texpuix ku hama akaxlax, nange ija kopüi. Ku wangting süifi changkox-ngaxchu kopüi.”

ESTAR 5:2

Chemtue wanghompa-e nuitho ma Estar ajongle ngokya ngünle laxpuix, she-e chix chingcha kop ang tho ilaxle chixe chix chak angkya hun khoptüt she hato thuile kox. She hüilaxle ija füi tun apong.

KAXHO MÜIKYA LUK 1:72

Kem putong hwom to chingchaüi; chix otsao Tsaotsüt texle atak angkya chixe tsao.

MIKA 7:20

Nange nang khünaknu, Abraham hia Jakop sixlibu, kwom putong hwom füi nange tsaole thomdaokya ningle, kwom hato chialekya mongong hia chizakkya nang mongkün aho angkya changle.

MANGSOP 3:63

Swomsa makhange hansong kople hwome ku ajao-adale changpu.