MÜNCHUAK-TSAI 68:4 - OTSAO BAIBEL (BSI)

⁴ Zang ang tsai ngaokox, chix mün achuakle ngaokox; owa zangfwom khoma ngale tüipuix, chix lomtang achwonkox; Chix mün a Jowanpa changle: chix womle tüikya to mongmüikox!

MÜNCHUAK-TSAI 68:4 ပူးပေါင်းရင်းမြစ်များ

TSAITONG-KAXTONG 33:26

Israel khünaknu, hünzom Zang lailaikya mama baozangbu müntüi, zangding kho akaile fixfax-jikjeple, zangfwom ding ma ngalaxle nang jua fong ang nguile.

MÜNCHUAK-TSAI 66:4

Haxwan tok angkya pangnusae nang to shwomle; hwome nang achuakle tsai ngaole, hwome nang mün to achuakle tsai ngaole.” Selah

MÜNCHUAK-TSAI 104:3

Nang hom a nange thak to titok ding to zai. Nange zangfwom a nang man-kanlin ang twon, ilaxle zangwin ozangbu ma ngale nang aham.

MÜNCHUAK-TSAI 68:33

owangpongma zingkya zangdingkho otok ma ngale ahamkya Zang ang a. Tsakzong chongkya füi chix ahungle akhongkya zing apalax.

MÜNCHUAK-TSAI 66:2

Chix mün fuazangle tsai ngaokox; achuak-achenkya fuazang chix ang laxkox!

MÜNCHUAK-TSAI 67:4

Jat-libu mongmüi laxle pwonlatungle tsai naxngao, chemthüikoxle süi-chapkya chemchu chitüile nange khünaknu kaxfün ilaxle chaxwannu angkya jat-li pangwüi lomzun. Selah

MÜNCHUAK-TSAI 18:10

Ozang füikya chix zünmok ma chix pile pao; zangwin ozangtok ma chix aham.

ISAIA 40:3

Kaxzing tuitae akhongle, “Khünak chingokya haxtok to Jowanpa hanpakma lomtang achwonkox! Sak-hax to kem Zang hanpak ang lom atsaole zingkox!

MÜNCHUAK-TSAI 83:18

Zangfang pangnu thakma apünkya a Jowanpa a nang tata wüile hwome tsing ang tomkox.

LAIPAO 6:8

Abraham, Isak hia Jakop hwom ang koxüihex-ole tsaokya haxtok to kue hünzom apüiüi; ilaxle kue ijakha ma haxtok ang lax ang hünzom chak to koxüi. Ku a Jowanpa changle.’”

LAIPAO 6:3

Abraham, Isak hia Jakop hwom hato, ku tuita Khüthak Zang changpule ngaile ahopu, ikoxle kue Jowanpa ku otsao mün hwom ang awan ang chitom.

LAIPAO 3:14

Zang-e Mosa ang thüi: “‘KU A KU CHANGPU’, idaile nange Israel khünaknu hama: Ku a hünzom hato kue tsanle akatpu, le thüikox.”

ISAIA 62:10

Jerusalem angkya khünaknu, tingnu angkya laile paokox Ilaxle hünzom khünaknu chatle ngokyabu hanpak ang lom zingle laxkox! Lomnutang jao tuita achwonkox; ija lom angkya longbu apaokox! Chaxwannu noke awanle lax angkya hanpakma münwan apütkox

ISAIA 19:1

Ija a Ijip nok ba angkya kaxho changle. Hulax, Jowanpa a akhangle zikkya zangfwom khoma ngalaxle Ijip nok to nguingole. Chix tunthoma Ijip nok chapabu hia Ijip khünakbu mong münchong tsuak.

MÜNCHUAK-TSAI 5:12

Jowanpa, nang kax ma laxle tüikyabu to nange mohimanle; nang mongküne hwom to di thatha ma thale.

MÜNCHUAK-TSAI 16:11

Khüzün lom to alyet angkya lomtang nange ku hama ahoüi; nang womle tüikya ma ku mongmüie awang üntoxle othuithuima ku ang mongmüi apüi.

MÜNCHUAK-TSAI 97:11

Otsao khünakbu to zangngaie fale, ilaxle müikyabu to mongmüie awangle.

WANWÜNKAX 10:28

Müikya khünakbu monghome mongmüi hato zunle, ikoxle chichang-chizangkya khünakbue sungle hu angkya chemchu müntüi.