MÜNCHUAK-TSAI 68:18 - OTSAO BAIBEL (BSI)

¹⁸ Atsuakya khato chix dong, chix füi tomle zandabu koplaxle; alün-aloxle tüikya khünakbu chak tokya chixe hinghobu pongle lax. Jowanpa Zang a ikhato othuithuima ngoüi.

MÜNCHUAK-TSAI 68:18 ပူးပေါင်းရင်းမြစ်များ

MIKNGÜN-OHÜN 21:3

Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

KAXFÜNPA-HWOM 5:12

Lomzunkox, Deborah, lomzunkox! Lomzunkox! Tsai tuita ngaokox! Lomzunkox! Thochi to le-kox, Abinoam sasün Barak, nange zandabu koplaxle paokox!

1 PITAR 3:22

Zangkangting to donglaxle Zang tsaxchi kao ma thung üntoxle owae kaxtaimixbu tamchu zangkangting tsakzong thakma apün-adale ngopuix, Khrista chix chatle azangle zokya tokhange ijae tsuakle.

WANGSHEMBU MWOT 2:4

Hwom pangnu Otsao Chasae awang, ilaxle Chasae akax ang tomkya ningle mixnok kax ma akax ang süt.

JUHAN 16:7

Ikoxchu kue hünzom ang otsingtsing akaxpu, ku paokoxle wüi hünzom zongma amüikya ang changüi, chemthüikoxle ku chipao thüikoxle Fongmix hünzom hato chihüiüi; ku jangpao thüikoxle kue chix hünzom hato ahüi ang tomüi.

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

MÜNCHUAK-TSAI 110:1

Jowanpa ku hopupa ang thüi: “Kue nang zanpabu nang chifa fang ma mathom tanto nang ikhama ku tsaxchi ma thunglax.”

MÜNCHUAK-TSAI 47:5

Zang a tsap zaile chix tüntong tankya khato dong. Jowanpa ikhato dong pongma mongmüi to khünaknu nyazong mütle akhongle dong.

MÜNCHUAK-TSAI 24:3

Jowanpa haxnu to chemningkya khünak dong ang tomüi? Chix Zangshwom-Hom to owa dong ang thoüi?

KOLOSI 2:9

Chemthüikoxle Khrista ma tamchu chix khünak ang achangkya ma Zang jaopo komle tüile,

MÜNCHUAK-TSAI 78:60

Chixe Shiloh angkya chix nyihom danle tox; ikha a kem khato chix ngonuikya hom changkya.

KOLOSI 2:3

Khomle thomkya tuina oja Zang hwon-je üntoxle tsingwankya hex, ibu pangnu ka dap angkya kapatja a chix changle.

ROM NOK HATO ZAKYA POL LAIZA 5:8

Ikoxle kem to itukux künle lükya Zang mongkün chixe kem hama ahodao; ija a kem ochax ma wüi ngotanto Khrista kem hanpakma zikya changle.

2 PUKAX-PANGAO 6:18

“Ikoxle, O Zang, nang a chaxwannu ma sheko hia lüka tham to ngo ang tho ang chami? Zangdingkho ibibi ma ngaxchu nang shatang onui chitüi, idaile kue zingkya Zangshwom-Hom tomning nguiüi hia?

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

IBRI 8:1

Kwome wünle hüikya kaxmik pangnu a: Otsao Chongwang ngwotnui ma Zang tsaxchi ma thungle kem ang Nguakho tuita tüile.

IBRI 6:20

Kem hanpakma achale chix, Melkizedek zom tole, Nguakho ang Jisu ikha to dong.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

WANGSHEMBU MWOT 9:17

Ikhoma Anania pao, ija hom to ngui ilaxle Sol to chix chak füi twon. Chixe thüi: “Tüinao Sol, Jowanpa Jisu chix jaojaoe ku tsanle ahüikya changle. Chix a nang ikhato hüiüi lom to nang füi apongkya mix changle. Nange chatle ngün ang kop angkya kuxma üntoxlechu nang Otsao Chasae awang angkya hanpakmale chixe ku tsanle ahüikya changle.”

WANGSHEMBU MWOT 2:23

Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.

KAXHO MÜIKYA LUK 24:51

Chixe hwom to mohimanle ngoponge, chix hwom füi afanle zangkang to nwonle dün.

KAXHO MÜIKYA LUK 24:49

Üntoxle Apae tsaosax daokya ku tomtatae hünzom ang koxüi. Ikoxlechu thakchi tokya tsakzong hünzom hato mahüi tanto, hünzome ija tanle, Jerusalem ma nui angkya changle.”

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MARK 16:9

Chix anaole azangle paokya füima, hatdang owang nop swomsae, pongwang ma, Meri Magdalen, owa angkya haxshix chasa anüt jwonle alaipuix, she hato Jisu laile aho.

MATHI 9:13

Hünzom paolax ilaxle: ‘Kue tö koxkya chichangle chingcha laxse texpu’, le thüikya Zang Kax awanle koplax. Ku a, otsao khünakbu chichangle ochax khünakbu se-lom ang nguipu.”

EZEKEL 48:35

Katuk pangwüi athüt koxle fak 10, 080 pongle changle. Athax makhange ija tingnu mün a “Jowanpa a Ikhama Tüile!”, le changüi.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

MÜNCHUAK-TSAI 7:7

idaile khünaknu pangwüi nang akhople apüikox, üntoxle thakchi tokhange hwom to apünkox.

TSAITONG-KAXTONG 33:2

Jowanpa a Sinai Haxnu makhange hüi; Edom nok khangkho to zanghannu ningle chix dong ilaxle Paran Haxnu makhange chix khünaknu to atale nyan. Chix füi tomle kaxtaimixbu hajat bün jao tüikya, chix tsaxchi chak ma wünchua tuita tüikya.

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?