MÜNCHUAK-TSAI 67:7 - OTSAO BAIBEL (BSI)

⁷ Zang-e kem to mohimanle; pangnu khato khünaknue chix achuak-achenle changkox.

MÜNCHUAK-TSAI 67:7 ပူးပေါင်းရင်းမြစ်များ

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

WANGSHEMBU MWOT 13:26

“Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

MÜNCHUAK-TSAI 65:5

Nange kwom to zan to lüt ang koxle lan, ilaxle kwom khosün angkya hanpakma nange ohünotün mwot mok. Zangfang angkya khünak pangnusae tinu ta to ngokyabue ngaxchu nang to mongongle.

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

WANGSHEMBU MWOT 13:47

Chemthüikoxle Jowanpa-e kwom ang fakya kaxtom a ija changle: ‘Kue nang, mixnokbu hato, zangngai tuita ang, ilaxle chaxwannu pangnu khato; khosün angkya olom ang, süile kopdaoa.’”

WANGSHEMBU MWOT 2:28

Ozün ma ngo angkya lom nange ku ang aho, ilaxle nang ku füi ngokyae, nange ku ang mong bakle amüi.’

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

MÜNCHUAK-TSAI 29:11

Jowanpae chix khünaknu ang janzüi kox üntoxle mongsom füi hwom to mohiman.

GALATIA 3:9

Abrahame mongong ilaxle mohiman atak; idaile ongkyabu pangnu towüi chix lailaile mohiman.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,

ISAIA 52:10

Jowanpae chix otsao tsak-zong twonüi; chixe chix khünaknu khosünüi, ilaxle ija zangfang pangnusae ngünle laxüi.

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

MÜNCHUAK-TSAI 72:17

Wanghompa mün otuechu chialakle naxngokox; zanghannu tsün lokya tukuxle chix mün fua-hi-zangle naxngokox. Pangnu jat-lie Zang ang hwom to mohimanfa le naxthüikox chixe wanghompa to mohimankya lailaile a.

MÜNCHUAK-TSAI 33:8

Jowanpa achuak kox, chaxwannu pangnue! Chix achuak-achenkox, zangfang angkya khünaknu pangnusae!

GALATIA 3:14

Chasa mongong makhange keme Zang kaxtsao pongle kop angkya hanpakma, Zange Abraham ang tsaodaokya mohiman chix makhangetix mixnokbu ang kox angkya bama Khrista Jisu-e Wanlom thuakzom chak tokya kem khosün.

LIWI 26:4

haxtoke saxziak alai angkya tamchu pünzuae pünziak laimo alai angkya hanpakma otutu ma kue zangwat ajoüi.

ISAIA 30:23

Chemtue hünzome tsaxlibu saile changpuix, Jowanpae ibu naxtsong ang zangwat ajoüi ilaxle hünzom ang puamünle chang ang tomüi, ilaxle hünzom tsom-pombu hanpak ma fumtsütnui okhonguile tüiüi.

ZEKARIA 8:12

Hwome mongsom ma manzaile changüi. Hwom zubu ma grep ziaküi, haxtoke saxziak alaiüi, ilaxle zangwat ti okhonguile tüiüi. Ota toxle tüikya kujat kuli khünakbu ang kue ibu mohiman koxüi.