MÜNCHUAK-TSAI 64:4 - OTSAO BAIBEL (BSI)

⁴ Zakkop-ashukkya kaxthai zangwünbu apuk ang hwom tüle mom; hwome khünak mixmüibu ongat khunkhe füi amütle awüt.

MÜNCHUAK-TSAI 64:4 ပူးပေါင်းရင်းမြစ်များ

MÜNCHUAK-TSAI 55:19

Zang, owae oshuk-owang chitüile apün hüipuix, Selah chixe ku zing atatüi ilaxle hwom to anaoüi; chemthüikoxle hwome mong alüix ang chitsu, ilaxle hwom chix thua zakya chitüi.

MÜNCHUAK-TSAI 11:2

chemthüikoxle chichang-chizangkya khünakbue hwom hapnubu dokle alai üntoxle sanbu füi, zangnak fang tokhange zile müikya khünakbu to hap ang.

JUHAN 19:6

Nguakhobu hia apün awangkyabue chix ngünkya zuma akhongle thüi: “Chix pünsak ma takkox! Chix pünsak ma takkox!” Pilat-e thüi: “Hünzome hünzom lualua to paolaxle chix taklax; ikoxle kue chix ma thaikya chemchu münatak.”

HABAKUK 3:14

Chix süpahi lompa to nang sanhapbue apak laxle asüt kwom jwonle asam angkya hanpakma cheinu-watnu ningle hüipongma, chitüi-chinang to zuile zothupkyabu ningle ngadong khangkhi le a.

MÜNCHUAK-TSAI 64:7

Ikoxlechu chix sanhapbu füi hwom to hap, ilaxle allele hwome maklax.

NEHEMIA 4:11

Kem zanpabue, hwome kem to asoxle shingle, kem pangwüi mik amüt tamchu mwot athole zak ang tomle machang tanto keme hwom ngün ang münthole thüt.

2 SAMUEL 15:14

Ikhoma Jerusalem ma chix füi tomle tüikya nguakax-wangkhobu füi Dawid-e akax: “Absalom chak tokya kem azangse jangtsu, kem a nonole laile pao angkya changpu! Momlax! Lebama wüi chix ikhato nguiüi ilaxle kem to lütlaxle tingnu ma atüitüi pangwüi langüi!”

1 SAMUEL 19:10

Sol-e chix paxlo füi Dawid a katuk füi adangle tople lang ang tung, ikoxlechu Dawid-e shanle alyet. Dawid-e shanle alyetkya pax katuk ma myen. Dawid a zikle paole azang.

1 SAMUEL 18:11

Sol-e chix mong mongto zangwünle thüi: “Kue chix a katuk füi adangle tople langüi,” ilaxle chixe pax füi othom anyi ma jao pax füi dao: ikoxlechu dao fofo Dawid-e shanle alyet.

MÜNCHUAK-TSAI 55:22

Nang künduk mongthang Jowanpa chak to danlax, ikoxle chixe nang khoseüi; chixe chemtuechu sukya khünakbu to lüt ang matomüi.

MÜNCHUAK-TSAI 57:5

O Zang, nang zaxzangkya zangdingkho to ahokox, nang fuazangkya chaxwan pangnu thakma ahokox.