MÜNCHUAK-TSAI 63:3 - OTSAO BAIBEL (BSI)

³ Ojem chifünkya nang mongkün a khüzün füi ngaxchu sümüikya changpu, ikhoma kue nang achuakpu.

MÜNCHUAK-TSAI 63:3 ပူးပေါင်းရင်းမြစ်များ

MÜNCHUAK-TSAI 69:16

Chithaile müingokya mongkün füi ku to lanhüi, Jowanpa; chongkya mongkün-chingcha füi ku hato chat-hüi!

MÜNCHUAK-TSAI 51:15

Jowanpa, akax angkya hanpakma ku to fonghüi, ilaxle kue nang achuaküi.

FILIPI 1:23

Pangnyichi tokhange wüi ku to bele. Ataitox le müikya tsün ma ngo ang, ija tsün dantoxlaxle Khrista füi tomle ngoünse le wüi süchongle thütle;

IBRI 13:15

Jangchangba keme othuithuima chix makhange Zang ang münchong fakya tö oja tun füi chix ngaikya oziak hex, ija tö koxhax.

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

1 KORIN 6:20

chixe nang a otha koxlaxle shakdaoa. Idaile nang tsangtsa nange Zang fuazang angkya olom ma twonlax.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

ROM NOK HATO ZAKYA POL LAIZA 6:19

Hünzom müi-hi-aji ma zong chitüikya khoma kue khünak zangwün ma wünpu. Tam a chichang-chizangkya mwot hanpakma hünzome chitsaokya hia chichang-chizangkya chak to da ang hünzome ma abakle koxle thomkya. Ija lailaile athax a otsao mwotbu hanpakma hünzome ma abakle otsao ang kox angkya changle.

MÜNCHUAK-TSAI 30:12

Idaile ku dang angkya münchang; kue nang achuakle tsai ngaoüi. Jowanpa, nang a ku Zang changle; kue othuithuima münchong fale ngoüi.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

MÜNCHUAK-TSAI 66:17

Fongle fa angkya hanpakma chix nyakle ku akhong; tsaibu makhange kue chix achuakpu.

MÜNCHUAK-TSAI 21:6

Nang mohiman a chix füi jento ngole, ilaxle nang womle tüikya mongmüie chix awangle.

MÜNCHUAK-TSAI 4:6

Ile zangjopkyabu tüihule: “Jowanpa, kwom ang mohiman onüi-onüi fahüi. Kwom to chingcha-jaja füi huhüi!”

LAIPAO 33:18

Ifüima Mosa-e thüi: “Chingchalaxle kue nang womle tüikya zangchangjep ngün ang tomhüi.”

MÜNCHUAK-TSAI 42:2

Ozün ma tüikya Zang, nang sungkya tilan kuma tüile. Kue nang ngwotnui to nguilaxle chemtue nang shwom ang thoüi?

MÜNCHUAK-TSAI 68:25

Tunthochi ma a tsaipabu, tokfüichi ma a thuaput-waxmai füikyabu, otan ma a khopsya akhaole naochabu.

MÜNCHUAK-TSAI 96:6

Chongwangpa fuazangkyae chix zui akhople tüile; chix Zangshwom-Hom a osün müikya hia tsak-zonge awangle tüile.