Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MÜNCHUAK-TSAI 60:1 - OTSAO BAIBEL (BSI)

1 Zang, nange kwom chilaxle awüt, üntoxle kwom towüi anao; nang ang kwom füi mongtsikle chang: Ikoxlechu athax kwom hato wüi anongle chat.

အခန်းကိုကြည့်ပါ။ ကော်ပီ




MÜNCHUAK-TSAI 60:1
36 ပူးပေါင်းရင်းမြစ်များ  

Ifüima chixe Zobah angkya Siria nok haxtok angkya wanghom to chixe lüt. Wanghompa a Rehob sasün Hadadezar changkya. Hadadezar a Eufrat shuakuxchi haxtok to chatlaxle apün ang paole asu pongma ija ile chang.


Ikoxle athax a nange kwom chilaxle awüt üntoxle mixe lüt ang tompu; athaxpi nang a kwom süpahibu füi tomle zan to chikapu.


Ifüima, Dawid-e Hamath haxtok wankam zui angkya Siria nok Zobah nok wanghompa Hadadezar to sing, chemthüikoxle chixe shuakuxchi Eufrat Shuanu makhange ija haxtok wankam to chixe o ang azong.


Ikhoma Dawid a Bal Perazim to pao ilaxle ikhato Filistia nok to lüt. Chixe thüi: “Jowanpa a ku zanpabu to chwople tichong-mualyemkya ningle hüi.” Ikhoma ija nui ang Bal Perazim le nyak.


Nang mongtsik a chemtukux okuilole ngo angkya? Jowanpa, nang dabu to chingcha tüihüi!


Kwom chatle chat ang tomhüi, O Zang kwom khosünpa, ilaxle kwom mong ama ang tomkya zak-hüi!


Humnu Haxsha ma Amaziah-e Edom nok süpahibu 10000 lang. Chixe Shella tingnu zan ma kop ilaxle ija ang Jokthil le nyak; ija mün anyix chuwüi tüile.


Mikngün-ohün ma kaitanto wüi nange chialekya nang dapa füi akax: “Kue zangle wünkya süpahi to fongdaoa; kue khünaknu kha angkya kamle kopkya mix ang tüntong koxdaoa.


Nange thüipu: “Kue kamle kopkya khünak füi kue longzütle kaxfünpu; Kue ku dapa Dawid füi tsaosaxpu,


O Zang, kwom tamchatle achat hüi! Kwom hato nang chingcha ahohüi, ikoxtix kwom khosün ang kopüi!


Jowanpa, nang a kwom füi othuithuima mongmale ngo angkya hia? Nang mongtsik a chizakle wün ningle chuale ngo angkya hia?


O Zang, nange ile kwom büthüikoxle danle tox? Nang khünaknu füi nang othuithuima mongtsikle ngoüi hia?


Nange kwom otsing tomta ma chilaxle awütkya changcha? Nang kwom süpahibu füi tomle zankat ma wom angcha?


Hwom a taxlangünkox, O Zang, chichangba kwom khünaknue alakle asamüi. Nang janzüi makhange hwom to lütlaxle chiakle sam ang tomkox, O Jowanpa, kwom kho-awapa.


Zanpabu chak tokya ku azünhüi, ku Zang; ku to single changkyabu chak tokya ku kho awa thom hüi!


Amaziah-e chix mong achen ilaxle Humnu Haxsha to chix süpahi othom zunlaxle ka. Ikhato hwom azan ilaxle Edom nok süpahi 10, 000 lang,


Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.


ikoxle Samuel-e thüi: “Nange ija chem hwon?” Sol-e lan: “Khünaknu a ku dantoxlaxle pao ang süt, ilaxle nguiüihex-o thüikya otu ma nang chingui; ibomachu Filistia nok a Mikmash ma ziakople asox ngotüi.


Kaxho mixe lan: “Israel nok a Filistia nok thoto azutle paobaküna. Izuma kem to ziamale jao lütle! Iboma hünsa Hopni hia Finehas nyi pangnyi wüi langdaoa, ilaxle Jowanpa Tsaotsüt Suak chuwüi hwome kopdaoa!”


Nange kwom otsing tomtata ma awütdaopia? Nang kwom zanpabu füi tomle zankat ma womüi münchang hexnyi?


O Zang, kwom to asunhüi ilaxle kwom khosünle kop-hüi; nang mün-mün wüi achuak-achenle naxngofa, kwom azünhüi ilaxle kwom ochaxbu thailak tüihüi.


Wanghompa Hadadezar-e Eufrat shuanu zongma handün chito tüikya Siria khünakbu se ang akat ilaxle hwom a Shobak lomzun fang ma Helam to ngui. Chix a Zobah angkya wanghom Hadadezar süpahi lompa changkya.


“Kue Judah angkya khünaknu tüle tsak-zongle chang ang tomüi; Kue Israel khünaknu kho-awale kopüi. Kue hwom to chingchajajakya tüiüi ilaxle hwom pangwüi ma haxtok to chat ang tomüi. Hwom a kue chilaxle awüt daokya ningle jao chitüile changüi. Ku a Jowanpa, hwom Zang changpu; kue hwom zangjop to lanüi.


Ikoxlechu nang a zünle kopkya nang wanghompa füi mongtsik; nange chix chilaxle ahaile awütdaoa.


Otsao nguawangbu tusox ma nang thua zapu; hwome pangwüi nang ngünlaxle abütle ajongpu.


Edom nok pangkha towüi chixe süpahibu pom zai ilaxle khünaknu a chix wangpün ang achang. Pangnu chito wüi Jowanpae Dawid ang wüi lütkya kox.


Kwom to apahüi, O Israel Chunnyetpa; kwom zing atatlax, nang chun zyem lompabu zing a. Hozang füikya zünmok okho ma nang ngwotnui ma thung laxle,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ