MÜNCHUAK-TSAI 57:4 - OTSAO BAIBEL (BSI)

⁴ Ku a Zanpabue akhople tüile, hwom a khünak müi saxsele woknuak ma ngokya mailang ningkyabu changle. Hwom owabu a paxtun hia santun ningle junle; hwom lebu a tüle anaxkya changlo ningle tüile.

MÜNCHUAK-TSAI 57:4 ပူးပေါင်းရင်းမြစ်များ

MÜNCHUAK-TSAI 58:6

O Zang, ibu za-adünkya mailangbu owa akhaidao.

WANWÜNKAX 30:14

Mixshix-zasa hia chitüi-chinangkya zongzong ma laxle adakyabu tüihule; ija a hwom zongto ma wok lomkya ang changpu.

MÜNCHUAK-TSAI 35:17

Jowanpa, nange chemtukux hulanle ngoüi? Ibu zansing chaktokya ku azünhüi; ibu mailangbu chaktokya ku khüzün sünle kophüi!

MÜNCHUAK-TSAI 55:21

Chix zangwünbu a müizao füi ngaxchu fi-fole, ikoxlechu chix mongkha to miktsakkya tüile; chix zangwünbu a münga füi ngaxchu alyakle tüikya, ikoxlechu ibue daxcha füi zütkya ningle zütle.

WANWÜNKAX 12:18

Chiajang homle wünkya zangwüne changlo füi tsunkya tukuxle mak-kha ang tsuakle, ikoxle ajang laxle wünkya zangwüne kak amüi ang tsuakle.

MÜNCHUAK-TSAI 64:3

Hwome hwom lebu a changlo lailaile wunle anaxle thom ilaxle tsaima-kaxshix a sanhap hanpak ang twon

MÜNCHUAK-TSAI 52:2

Nange mix fün ama angkya hanpakma mongjang zing; nang lesa a anaxkya daxcha tuita ningle. Nange othuithuima kaxthai zangwün alai ang azongle ngole.

MIKNGÜN-OHÜN 19:15

Anaxkya changlo oja füi chixe chaxwannu nok to anao angkya hex, ija changlo chix wikha angkya lai. Chixe jan kaithox füi hwom thakma apün angkya changle, üntoxle tüle shixkya Khüthak Zang mongtsik grep-ti fyetnui to chix cha füi tingüi.

JAKOP 3:6

Le a tuita wün ningle changpu. Kem mik-chak khama le a tuita chitsaokya chongkya changle. Ijae tsangtsa komle chitsaokya ang achangle, ilaxle tsünpo ma jao wün alaile tamchu ija to haolum e wünnu adün ang tomle.

WANWÜNKAX 28:15

Chichangchizangkya wanghompa tunthoma mixshix-zasabu a chifün chitüi; chix a mix to shingle hüikya chaxnu hia chepnu füi ngaxchu süshixkya changle.

WANWÜNKAX 25:18

Chichangkya to kaxhux fekya a tuita mik amüt angkya hanpakma twonkya changlo, pünthom hia sanhap thatha changpu.

MÜNCHUAK-TSAI 59:7

Hwome adix-adakya hia aza-anakya to apalax. Hwom lebu a hwom wikha ma changlobu tüikya lailaile, ikoxlechu owaechu hwom zing münatat le hwome thüt.

MÜNCHUAK-TSAI 10:9

mailangbu ningle hwome hwom chwon ma tanle nüile. Ikhama hwome chitüi-chinangkyabu tanle nüile; hwome ibu hwom tsün ma amanle üntoxle ibu linle paole.

KAXFÜNPA-HWOM 9:20

Ikoxle ile chichang thüiningle, Abimelek makhange wün laile naxchang ilaxle Shekem hia Bethmillo angkya khünaknu zokle naxashunkox.”

JOB LAIPEX 41:14

Khompua-atsikkya owabu tsyenthuile tüikya chix kax owae hyenle aka ang thoüi?

MÜNCHUAK-TSAI 43:3

Nang zangngai hia nang otsingtsing ahüihüi; ibue ku lom naxzun ilaxle nang otsao haxnu Zaion to ku tamchatle naxapüi, nang ngokya Zangshwom-Hom to-a.