MÜNCHUAK-TSAI 51:5 - OTSAO BAIBEL (BSI)

⁵ Ku a puxnyix tokhange wüi ochax changkya; anu wok ma tüitantokhange wüi ku a ochaxe awangle tüikya.

MÜNCHUAK-TSAI 51:5 ပူးပေါင်းရင်းမြစ်များ

ROM NOK HATO ZAKYA POL LAIZA 5:12

Khünak tuita makhange chaxwannu hato ochax hüi, üntoxle chix ochaxe ija füi tomle zikya apüi. Ile changkyae khünak nüjen pangnu khato wüi zik tsale pao, chemthüikoxle khünak noke wüi ochax lyen.

MÜNCHUAK-TSAI 58:3

Ochax mwot mokkyabu hwom tsüntsün ma thaile le hwome puxkya tokhange wüi kaxthai zang wünle.

JOB LAIPEX 14:4

Khünak chitsaokya ningle, tütali chitsaokya makhange, tütuechu tsaokya oli tam-ngaiüi münchang.

EFISIA 2:3

Wünhax thüikoxle kem pangwüi hwom lailaile changle ilaxle kem tsangtsa hia tutex ma asukyakya saxmok le jaopo küntsu monglua ma ngole hüi; kem jaopo chifün ma kemchu, mix lailaile, kemchu wüi Zang mongtsik zothup ma wom angkya hexo le bangpu.

JUHAN 3:6

Khünak tuita tsangtsa ma honu hopa makhange puxpaile; ikoxlechu chix chasa ma Chasa makhange puxpaile.

PONGWANG LAIPEX 5:3

Chemtue Adam 130 zanglao nguipuix, chix ang chix lailaikya sasün tuita tüi, ilaxle chixe chix ang Seth le amün.

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

LIWI 15:18

Sheko hia lüka nyi apongle mwot tsuakkya füima, hokhi pangnyie wüi ti-ajoüi ilaxle hansong kople chitsaokya ang ngoüi.