MÜNCHUAK-TSAI 51:19 - OTSAO BAIBEL (BSI)

¹⁹ Ifüima nange koxse olom ma koxkya töbu füi mongmüi ang kopüi üntoxle chu zokle ashunkya kwom töbu füi; ilaxle maihupongbu a nang tö-tsap ma tö koxüi.

MÜNCHUAK-TSAI 51:19 ပူးပေါင်းရင်းမြစ်များ

MÜNCHUAK-TSAI 4:5

Jowanpa ang otsingtsing tö laxkox, üntoxle nang mongong chix ma thomkox.

MALAKI 3:3

Chix a, khop achuk üntoxle atsaole changkya ningle kaxfün fa ang nguiüi. Hun-hi-khop jaokyabue ibu atsaokya lailaile Jowanpa mwot-tsan mixe zompu-zangpabu atsaoüi, ikoxle tix hwome Jowanpa hato chem koxse hex ibu tö apüi ang thoüi.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

MÜNCHUAK-TSAI 118:27

Jowanpa a Zang changle, chix a kem zongto müile. Hünzom chak ma fummuabu koplaxle, pangpwon owang wang kox ilaxle tö-tsap akhople shonkox.

2 WANGHOMBU 22:19

ilaxle kue Jerusalem hia ima tüile ngokya khünaknu to sikngün fa ang azakya kax atatkya zuma, nang mong alüix tamchu nang nyi-za akyet üntoxle sopngale ku chitong to puile changlax. Kue ija mikngün zong ma za-adünkya tuita tamchu khünaknue ija omün othuak-ozom lom to lün angkya onui tuita ang achangüi. Ikoxlechu kue nang zangjop atatle laxdaoa,

MÜNCHUAK-TSAI 34:19

Müikya khünakbu a tingtui malom-malom ma sikngün apongle, ikoxlechu ibu pangnu chak tokya Jowanpae sünle kople;

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.