MÜNCHUAK-TSAI 51:13 - OTSAO BAIBEL (BSI)

¹³ Ifüima ochaxbu hama kue nang kaxtombu apuaüi, üntoxle hwom a nang hato chatle achatüi.

MÜNCHUAK-TSAI 51:13 ပူးပေါင်းရင်းမြစ်များ

KAXHO MÜIKYA LUK 22:32

Ikoxle Simon, nang mongong thaile chinui angkya hanpakma kue nang bama jopdaoa. Ilaxle otue nang ku hato chatüihex, hüntüi-hünnao hwom ang nange zong adün angkya changle.”

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

MATHI 18:3

ilaxle akax: “Mong ma koplax, hünzom ang mongnai laxle ija naosa ningle machang tanto, hünzome Zang Wangting to nop ang münkopüi.

JEREMIA 31:18

“Israel khünakbue mongsopkya füi akaxkya atat, ‘Jowanpa, kwom a chitsomkya müi ningle tüile, ikoxlechu kax ma laxle tüi angkya nange kwom hama anole fapu. Kwom chatle apüihüi; kwom nang hato chatle hüi ang achwonle tüile, Jowanpa, nang a kwom Zang changle.

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

ISAIA 2:3

ilaxle ikhato khünakbue thüiüi, “Jowanpa haxhua to kem donghax, Israel nok Zang Zangshwom-Hom to a. Chixe chem naxmokle texpuix ija chixe kem hama apuale faüi; kem a chixe zünle kopkya lomtang ma ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe ma khünaknu füi zangwünle.”

MÜNCHUAK-TSAI 32:5

Ipongma kue ku ochax nang hama ngai; kue thaile mokdaokya ku mwotbu pyenle chithom. Selah

MÜNCHUAK-TSAI 25:8

Chemthüikoxle Jowanpa a otsao tamchu müikya changle, chixe ochax khünakbu hama hwom le angkya lom anwot-ano fale.

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

MÜNCHUAK-TSAI 19:7

Jowanpa Wanlom a okhonguikya changle; ijae janzüi hozün koxle. Jowanpa kaxtombu a mongong tüikya wüi changle, je chitüikyabu ang je kox.

WANGSHEMBU MWOT 13:10

ilaxle thüi: “Nang a baosu baosa changle! Nang a otsao pangwüi füi apüikya mix changle; nang a hux-kün lop-monge awangle tüile, üntoxle nang a othuithuima Jowanpa otsingtsing othai ang achang ang azong ngokya mix changle!

MÜNCHUAK-TSAI 25:4

Jowanpa, ku hama nang lomtang apuafahüi; ibu kue awan ang tomhüi.

2 WANGHOMBU 17:18

Jowanpa ang Israel nok füi mongma, ilaxle chixe hwom chix miktho angkya max ang tom, ikoxle Judah tata danle tox.

2 WANGHOMBU 17:20

Jowanpae Israel nok pangwüi chilaxle awüt, ilaxle chix miksho angkya hwom akiakya mixhuak komkaile ma-amüt ma-amütle tüle shixkya hwom zanpabu chak to kox.

2 WANGHOMBU 17:23

Jowanpae chix da ajebu makhange hwom ang kaxkhün koxle hüikya ningle, chix miksho angkya hwom khünak tuita ota chitoxle ma-amüt ma-amütle hwome ochax lyen lüwüi ngo. Ikhoma Israel nok Asiria noke zanhok ma koplaxle pao, ilaxle hwom a athax kople ikha to ngo.