MÜNCHUAK-TSAI 51:1 - OTSAO BAIBEL (BSI)

¹ O Zang, ku to chingcha hüi, tamchu chizakkya nang mongkün tokhange. Nang jaja chongkya makhange ku ochaxbu fwotle amüt hüi!

MÜNCHUAK-TSAI 51:1 ပူးပေါင်းရင်းမြစ်များ

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

MÜNCHUAK-TSAI 51:9

Ku ochax ngünle laxüia nang mik achikdao, ku chichang-chizang pangwüi fwotle amüt fahüi.

KOLOSI 2:14

ilaxle kem füi apüile chak füi zakya wanlom oja kem füi alünle ajong ngopuix, ija a chixe fwotle amüt laxle Khrista pünsak ma takle langle paodaoa.

MÜNCHUAK-TSAI 69:16

Chithaile müingokya mongkün füi ku to lanhüi, Jowanpa; chongkya mongkün-chingcha füi ku hato chat-hüi!

2 SAMUEL 11:2

Nyixta tsomfüie, Dawid jiple ngokya zolaxle chix wanghom homlo homkho to dong. Chix homkho to dongle ngopongma, sheko tuitae ti ajole ngokya chixe ngünle lax. She osün huanuma müile tüikya.

MÜNCHUAK-TSAI 106:45

Hwom kuxmale chixe hwom füikya chix Tsaotsüt texle atak, ilaxle chongkya chix mongkün khoma chixe hwom to chingchale thüt.

MÜNCHUAK-TSAI 4:1

Ku to lanhüi kue zangjop pongma, O Zang, ku ziakople thompupa! Ku sikngünle ngopongma, nange ku to asunhüi. Athax ku to chingchahüi üntoxle ku zangjop to apahüi.

MANGSOP 3:32

Chixe keme hato mongtsik-mongma apüi ang tsuak, ikoxlechu chixe kem to mongkünkya a chithai angkya tamchu tsak-zong changle.

MÜNCHUAK-TSAI 119:124

Ojem chifünkya nang mongkün ma thütle, ku ang nang kaxtombu anwot-ano fahüi.

MÜNCHUAK-TSAI 109:21

Ikoxlechu, O Zang ku Jowanpa, nang kaxtsao tüikya ningle ku to asunhüi, ilaxle müikya nang mongkün tüikya khoma ku sünle kop-hüi.

MÜNCHUAK-TSAI 40:11

Jowanpa, kue awanpu nange ku to chingchakya tam zak angkya münchang. Nang mongkün hia akhüixkyae ku jento sünle thomüi.

MÜNCHUAK-TSAI 5:7

Achongkya nang mongkün khokhoma ku nang hom to ngui ang thopu; Shwomle kue nang otsao Zangshwom-Hom ma achuak-achenle nang tong to akhux ang thopu.

MÜNCHUAK-TSAI 106:7

Ijip nok to kwom pupa hwome Zang ohünotün mwotbu chitsingtsuak; chixe hwom hama obithomthom ma hexle ahokya hwom tokya chix mongkün hwome alakle asam, ilaxle Khikya Tinu Shinthuk ma hwome Khüthak Zang füi alünle chang.

MÜNCHUAK-TSAI 69:13

Ikoxlechu ku hanpakma, kue nang towüi jopüi, Jowanpa; nang mongtsukya khama, nange ku zangjop to lanhüi, Zang. Nang mongkün chongkya khoma ku zangjop to lanhüi, chemthüikoxle khosün ba angkya nang kaxtsao nange otia ma thomle.

DANEL 9:9

Kwome ibibile nang zan to kale changdaobachu, nang a chingchajaja hia thailak tüikya Zang.

ISAIA 63:15

Jowanpa, otsao hia fuazang ma nang ngole tüikya zangkangting tokhange kwom to huhüi. Nange huanuma kwom tuitexkya omaün? Nang tsak-zong a omaün? Nang mongkün hia chingcha a omaün? Kwom chie-chisele taxchang.

ISAIA 63:7

Mong chiathokya Jowanpa mongkün mo kue wünüi; Kwom hanpakma chixe mokdaokyadu hanpak ang kue chix achuakpu. Chixe Israel nok to okhonguile mohimanle chix chingcha hia chizakkya mongkün tüikya khoma.

MÜNCHUAK-TSAI 145:9

Chix a noknusa zongto müile ilaxle chix chakzing pangwüi zongto chingchakya tüile.

MÜNCHUAK-TSAI 77:9

Zang-e chingcha angkya alakdao pia? Chingchajaja lüima mongtsike mix onui laxdao pia?” Selah

DANEL 9:18

Kwom to apahüi, O Zang; kwom to huhüi ilaxle kwom sikngünle ngokya ilaxle nang mün lünle ngokya tingnu thama ngünle laxhüi. Kwome nang to joppu, kwome sukya mwot mokdaoale münchang ikoxle nang a chingchae awangle tüikya khokho ma.

NEHEMIA 4:5

Hwome mokkya ochax mwot bama thailak tüi ang taxtom ilaxle hwom ochaxbu otuechu taxalak, chemthüikoxle hwome ija tingnu azünle zaile ngokya kwom adix-adale changdaoa.”

JEREMIA 18:23

Ikoxlechu, Jowanpa, hwome ku mik amüt ang atsing ngokya pangwüi tikle ngopu. Hwom chichangchizangle tüikya hia hwom ochaxbu hanpakma thailak taxtüi. Hwom to zane lüt ang tomkox ilaxle nang mongtsikle ngopongma hwom to chak mokkox.”