MÜNCHUAK-TSAI 50:7 - OTSAO BAIBEL (BSI)

⁷ “Apahüi, ku khünaknu, kue akax fang; Israel, kue nang a thaidaoa, le kaxkhi koxüi. Ku a Zang, hünzom Zang changpu.

MÜNCHUAK-TSAI 50:7 ပူးပေါင်းရင်းမြစ်များ

MÜNCHUAK-TSAI 81:8

Ku khünaknu, ku kaxkhün to apahüi; Israel khünaknu, hünzome ku kax to apakoxbae le texpu!

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

JEREMIA 2:9

“Ikhoma, Jowanpa, kue ku khünaknu zongto chatle chu zangwün tsetwonkya tüiüi. Kue hwomsu-hwomsa hwom ma tsaitox-kaxfele changüi.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

EZEKEL 20:7

Hwome mongkünle ngokya nushix dongkya chapabu awüt angkya ilaxle Ijip nok othai baozangbu füi hwom chitsaokya ang chiachang angkya kue hwom füi akax, chemthüikoxle ku, Jowanpa a hwom Zang changle.

EZEKEL 20:5

Kue hwom füi akax ngokya kax hwom hama wünkox. Chemtue kue Israel zünle koppuix, kue hwom füi tsao tuita sax. Kue hwom hato Ijip nok to ku ngaile aho laxle akaxpu: Ku a Jowanpa, hünzom Zang changle.

ISAIA 1:18

Jowanpae thüi: “Athaxpi zangwün tsuakle kop-hax. Nang a ochax füi lyetle akhik thomle, ikoxlechu kue nang paiput ningle sole atsyetüi.

MÜNCHUAK-TSAI 49:1

Pangnusae wüi, ija atatle koplax! Apahüi, khünaknu pangnusae,

2 PUKAX-PANGAO 28:5

Wanghompa Ahaz achaxkya khoma, Jowanpa, chix Zang-e chix to Siria nok wanghom ang lüt ang tom tamchu Judah khünakbu zanda ang koplaxle Damaska to pao ang tom. Jowanpae Israel nok wanghompa Pekah, Remaliah sasün ang chuwüi wanghompa Ahaz to lüt ang tom, ilaxle chixe nyixtakya fang ma Judah nok zankat naomüibu 120, 000 khünak langle awüt. Jowanpa, hwom putong hwom Zang-e ija ile chang ang tom, chemthüikoxle Judah khünaknue chix hato tok aho.

2 WANGHOMBU 17:13

Jowanpae Israel nok hia Judah nok ang kaxkhün kox ang, chix kaxhomixbu hia ajebu ahüilaxle thüi: “Hünzom ochax lombu danle toxdao ilaxle ku kaxtombu kax ma laxlax, ija ku Wanlombu a kue hünzom putong hwom ang koxdaopu, ilaxle ija ku da ajebu makhange hünzom hato tailaile apüile koxkya tüile.”

1 WANGHOMBU 18:39

Chemtue khünaknue ija ngünle laxpuix, hwome ma alüile hax to tswonle awütle akhong: “Jowanpa, nang wüi Zang changpu, Zang a Jowanpa tata wüi changpu!”

MÜNCHUAK-TSAI 81:9

Hünzome chemtuechu mama zang to chishwom angkya münchang.