MÜNCHUAK-TSAI 50:1 - OTSAO BAIBEL (BSI)

¹ Khüthak Zang, Jowanpa akaxle; handün hia hannop tokya zangfang pangnu chixe nyakle.

MÜNCHUAK-TSAI 50:1 ပူးပေါင်းရင်းမြစ်များ

MÜNCHUAK-TSAI 113:3

Handün makhange hannop kople Jowanpa mün achuakle changkox!

MATHI 25:32

Chaxwannu angkya khünaknu pangnu chixe ma pomtho ma afox ang tomüi. Ifüima chun-nyetmixe zwon hia chun süikya ningle hwom othom anyi ang achangle ahanüi.

JIHUSUA 22:22

“Pangnu to lütkya a Zang tix changpu! Chix a Jowanpa changpu! Pangnu to lütkya a Zang! Chix a Jowanpa changpu! Kwome büthüikoxle mokpuix chixe awan ngopu, ilaxle kwomchi tokhange hünzomechu awanle kopkoxle müiüile texpu! Kwome chix to mongong chithomle chix zan to kale jangchang thüiningle, kwom jaojao ngo ang taxtom!

AMOS 3:8

Chemtue mailang ahungle changüihex, chizale owa ngothoüi? Chemtue khüthak Jowanpae zangwünle changüihex, ija kaxho chingaile owae mongto thom ang thoüi?

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.

NEHEMIA 9:6

Ifüima Israel khünaknue ija zangjop jop: “nang a Jowanpa changpu, Jowanpa a nang tata wüi; zangdingkho hia ibu ma tüikya lyettsi-lyetsa pangnu nange zingpu. Nange chaxwan zangfang zing ilaxle ikhama atüitüi pangwüi nange zingpu; ibu pangnusa ang khüzün-zakdün nange fapu. Zangkho tokya tsak-zongbue nang tong to akhuxle shwomle.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

JEREMIA 10:6

Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

ISAIA 37:20

Athax, Jowanpa kwom Zang, Asiria nok chak tokya kwom azünhüi, ikoxle tix zangfang angkya onok pangnusae Zang ang nangtix changpule awan ang kopüi.”

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

MÜNCHUAK-TSAI 83:1

O Zang, kax-o ngao-o chithüi sütaxngo; dangja tomtale, kongdi lechu taxngo!

MÜNCHUAK-TSAI 73:1

Israel nok hanpakma Zang a otsingtomtata ma müile, mong tsaothale tüikyabu hanpakma a.

NEHEMIA 9:32

“O Zang, nang kwom Zang, nang a chemtukux chongpuix! Chemtukux za-adünle, chemtukux tsak-zongle tüipuix! Nange chialekya mogong füi nange tsaokyabu kaxfün otya ma thom. Asiria nok wanghombue kwom to zothuple changkya tokhange, athax kople, kwom chemtukuxle sikngünle hüidaopuix! Kwom wanghombu, kwom lompabu, kwom nguapabu hia ajebu, kwom putong hwom, ilaxle kwom khünaknu pangwüi sikngünle hüidaoa. Kwome chemtukuxle sikngün apongle hüidaopuix texle atak-hu!

2 PUKAX-PANGAO 29:30

Wanghompa hia onok lompabue Liwi hwom ang, wanghompa Dawid hia ajepa Asaf nyie zale toxle zangshwom tsai Jowanpa achuakle ngao angkya akax. Ile khünak noknusa mongmüi tungle ngao ilaxle chikux thongle Zang to shwom.

1 PUKAX-PANGAO 25:6

Zangshwom-Hom ma zangshwomkya füi tomtomle, hopae adangle fakya ningle chix sasün hwom pangnue khopsya akhaole thuaput hia waxmaibu müt. Ilaxle Asaf, Jeduthun, hia Heman a wanghompa kaxtom fang ma tüikya.

1 PUKAX-PANGAO 25:2

Asaf sasün hwom ali: Zakur, Jusep, Nethaniah, hia Asharelah hwom bibi. Hwom a Asaf-e adangle fakyakya mok angkyabu changkya. Asaf a wanghompa-e kaxtom fakya ningle Zang kaxho apukle chang angkya khünak.

1 PUKAX-PANGAO 16:37

Tsaotsüt tunthoma zangshwomle changpongma jento humele chang angkya hanpakma wanghompa Dawid-e Asaf hia hozui Liwi hwom ang mwot koxle thom. Hwom ang ikhama nyixfokya to hwom mwot mok ang tom.

1 PUKAX-PANGAO 15:17

Tsaipa hwom saxthom kha angkya jangjong khopsya hong angkya hanpakma khünak ibibi zünle kop: Joel sasün Heman, hwom haxnu homsa wüi Berekiah sasün Asaf, üntoxle Merari saxthom angkya Kushaiah sasün Ethan. Hwom to fong angkya hanpakma dingsa ma klingkingkongbu angao ang Liwi hwom ibibi kam: Zekariah, Jaziel, Shemiramoth, Jehiel, Unni, Eliab, Maseiah, ilaxle Benaiah hwom bibi. Dingnu ma klingkingkongbu angao angkya hanpakma Liwi sün hwom ibibi kam: Mattithiah, Elifelehu, Mikneiah, Azaziah, ilaxle Zangshwom-Hom nyetmixbu, Obed Edom ilaxle Jeiel hwom bibi.

1 WANGHOMBU 18:21

Elija a khünaknu hato dong ilaxle thüi: “Hünzom ang mongzangwün angkya hanpak chemtukux lole laxlaxüi? Jowanpa a Zang jangchang, chix to shwomkox, ikoxle Bal wüi Zang jangchang chix to shwomkox!” Ikoxle khünaknue kaxfa tuita chilan.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

1 PUKAX-PANGAO 6:24

Tahath, Uriel, Uzziah, Shaul hwom bibi.

MÜNCHUAK-TSAI 74:1

O Zang, nange ile kwom büthüikoxle danle tox? Nang khünaknu füi nang othuithuima mongtsikle ngoüi hia?

MÜNCHUAK-TSAI 75:1

Kwome nang ang münchong fapu, O Zang, kwome nang ang münchong fapu! Kwome nang chemtukux chongpuix ija achuakpu üntoxle nange mokkya ohünotün mwotbu mo wünpu.

MÜNCHUAK-TSAI 76:1

Judah angkya khünakbue Zang awanle; Israel angkya khünakbue chix achuak-achenle.

MÜNCHUAK-TSAI 77:1

Kue Zang hato zongbakle akhong sop; ku akhongle sop, ilaxle chixe ku zing atat.

MÜNCHUAK-TSAI 78:1

Ku khünakbu, ku hwot-nwot to apalax, ilaxle kue akaxkya to mongkoxlax.

MÜNCHUAK-TSAI 79:1

O Zang, songsaribue nang haxtok tingtakle changdaoa. Hwome nang Zangshwom-Hom chitsaokya ang achangdaoa ilaxle Jerusalem a pünpakle ama toxdaoa.

MÜNCHUAK-TSAI 80:1

Kwom to apahüi, O Israel Chunnyetpa; kwom zing atatlax, nang chun zyem lompabu zing a. Hozang füikya zünmok okho ma nang ngwotnui ma thung laxle,

MÜNCHUAK-TSAI 81:1

Kem wintuk-hanthakya Zang füi mongmüile akhong kox; Jakop Zang achuakle tsai ngaokox!

MÜNCHUAK-TSAI 82:1

Zang-e zangkangting katzua lax ang ahyen; ikhato nguawangbu tusox ma chixe chix mongtex ngai: