MÜNCHUAK-TSAI 5:4 - OTSAO BAIBEL (BSI)

⁴ Nang a thaile mokkya füi mongmüikya Zang münchang; nang tüingale haxshix ngo ang tomüi münchang.

MÜNCHUAK-TSAI 5:4 ပူးပေါင်းရင်းမြစ်များ

MÜNCHUAK-TSAI 11:5

Chixe chimüikya hia müikya khünak pangnu to tomwüi wanle anole; wanlom fang ma chingo tsuakkyabu to chixe mong makhange jao anule.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

MALAKI 2:17

Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”

MÜNCHUAK-TSAI 140:13

Otsao khünakbue nang ang münchong fa angkya atsingsho; ilaxle sukya khünakbu a nang womkya ma ngoüi.

MÜNCHUAK-TSAI 50:21

Hünzome ibu pangwüi mokle tsuakpu, ikoxlechu kue chemchu chithüipu; ikhoma hünzome ku chuwüi hünzom lailaile tüipuixle thütpu. Ikoxlechu athax kue hünzom to sa-male changpu ilaxle zangwün hünzom hama ngaithole apua fapu.

MIKNGÜN-OHÜN 21:27

Ikoxlechu chitsaokya oli chemchu ija tingnu ma nop ang müntomüi, iningle zakkop mwot mokkyabu hia atsekyabu owachu ikhato dong ang müntom. Ikoxle Chun Hosa khüzün Laipex ma opang mün zale tüilaxpuix, ibu tix dong ang tomüi.

HABAKUK 1:13

Ikoxle iningkya ong angkya ojao chitüikya ochax khünakbu to hule nang chemle ngothoüi? Nang a ochax to hu ang chithokya otsao changpu, idaile khünaknue ochax mokkya to hule nang ngo ang müntho. Jangchangba khünakbue hwom füi ngaxchu sütsaokya khünakbu to thama adünle changkya to nange büthüikoxle chitsapu?

MÜNCHUAK-TSAI 92:15

Ija makhange Jowanpa a sukya changpule ahole, ikhoma ku kho-awapa ma thaikya ojao müntüi.

2 PITAR 3:13

Ikoxlechu kem a Zange tsao daokya: Hozün zangkangting hia hozün chaxwannu, ojong khato otsaobu ngoüihex, ija hanpakma tanle nuipu.

MÜNCHUAK-TSAI 101:7

Ku chongwang homkha ma khualop mix owachu ngo ang müntom; ku tüikya khama künkux-mongkwom owachu ngo ang müntom.

MÜNCHUAK-TSAI 94:20

Owae chisukya sukya ang achangpuix, owae müikya khünakbu to tungpuix,

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

1 PUKAX-PANGAO 29:17

Nange pangnusa kün-mongto thwontsing ilaxle khünak opang thajao wünhai chitüile tüilaxpuix, ibu füi nang mongzom müikya kue awanpu. Sukya hia mongkoxkya makhange ibu pangwüi kue nang chak to danpu, ilaxle ikhama tüikya nang khünaknu ibu tö chemtukux mongmüi atungle asox ngotüipuix, ija kue ngün ang kople.

MÜNCHUAK-TSAI 63:2

Kue nang otsao zangshwomnui ma ngün ang tomhüi; nang chemtukuxle janzüi füi tamchu fuazangle ngopuix, ija kue ngün ang tomhüi.

MÜNCHUAK-TSAI 88:14

Jowanpa, nange ku büthüikoxle awütpu? Nange ku hato tok büthüikoxle ahopu?