MÜNCHUAK-TSAI 5:10 - OTSAO BAIBEL (BSI)

¹⁰ Hwom to thajao üntoxle sikngün ang tomkox, O Jowanpa; hwome azuakya katzuae hwomli thu ang tomkox. Nang ngwotnui angkya hwom jwonle apaokox chemthüikoxle hwom ochax huanu changle tamchu hwome nang füi alün-aloxle tüile.

MÜNCHUAK-TSAI 5:10 ပူးပေါင်းရင်းမြစ်များ

ISAIA 63:10

ikoxlechu hwome chix füi alünle ajong ilaxle chix otsao chasa ang mong ama. Ikhoma Zang a hwom zanpa ang achang ilaxle hwom füi azan ang süt.

2 SAMUEL 17:14

Absalom hia Israel khünaknu pangwüie thüi: “Ahithofel füi Hushai zünkax-saikax wüi müihule.” Absalom hato thama chihüi angkya hanpakma, Ahithofel-e koxkya müikya zünkax-saikaxbu mokle chile angkya hanpakma Jowanpae kaxfün tsuakle fa.

1 KORIN 3:19

Chemthüikoxle ija chaxwannu je-hwon a Zang zongto ongat changle. Otsao Lai-e thüile: Hwom angangle tsing zai tüipongma, jetüi hwonlangkyabu, Zange tsünle amanle.

MÜNCHUAK-TSAI 71:13

Opange ku to singpuix hwom to lütlaxle amüt ang tomkox. Opange ku to mak-kha ang azongpuix hwome zakkop laxle chingcha chitüile max ang tomkox.

MÜNCHUAK-TSAI 31:18

Ibu tselopbu dang ang tomkox: ongam hia mongngam pangwüi opangsae otsao bama künngam-mongngam füi zangwünpuix, ibu pangwüi.

2 SAMUEL 17:23

Chemtue Ahithofel-e chix zünkax-saikax chilaxkya ngün ang koppuix, chix a ma mantsak kho ma nga ilaxle chix tinglong to chatle pao. Chix hom-hax hia süt-mwot pangwüi khuakhomle toxlaxle chix a alüile fünle zi. Chix a hwom homkha zukting ma akhün.

2 SAMUEL 15:31

Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

MANGSOP 1:5

She zanpabue she to lüt; hwome ma tsak-zong füi she to künle kop. She huanu ochax khoma Jowanpae she füi sikngün apong ang tom; She naosombu a koplaxle tsui pao.

MÜNCHUAK-TSAI 55:15

Ku zanpabu a zitu manguiba wüi zi ang tomkox; amalumting to hwom ozün ma ka ang tomkox! Onu-oma a hwom homkha ma tamchu hwom mongkha ma tüile ngole.

MÜNCHUAK-TSAI 35:26

Ku sikngün to chanyi wanjaile changkyabu hwom to lüt üntoxle kho asamle changkox; ku füi hwom wüi sümüikyabu changpule akaxkyabu to zakkop hia thajaoe chwop ang tomkox.

DANEL 9:9

Kwome ibibile nang zan to kale changdaobachu, nang a chingchajaja hia thailak tüikya Zang.

DANEL 9:5

“Kwome ochax lyenle changdaoa, kwom a chichangchizangle tüidaoa, kwome thaile mokdaoa. Nange kwom ang mok ang fakya kaxtom kwome chilaxle awüt ilaxle nange kwom hama ahole fakya sukya lomtang angkya kwom thaile paodaoa.

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.

MÜNCHUAK-TSAI 107:11

Ija a hwome Khüthak Zang tsak-zong füi alünle changkya khoma ilaxle chixe adangle fakya chilaxle changkya khoma.

MÜNCHUAK-TSAI 79:12

Hwome ibibile nang adix-adale changdaokya khoma Jowanpa, mixnokbu ang othom anüte bole thama apong ang tomkox.

MÜNCHUAK-TSAI 66:7

Chixe ma janzüi füi apün-awang ilaxle onokbu thakma chix mik thom. Chix füi alünle ajong angkya mix naktüi. Selah

MÜNCHUAK-TSAI 17:13

Jowanpa, hüihüi! Ku zanpabu to abaxkox üntoxle hwom to lütkox! Nang changlo füi baozangbu chak tokya ku khosünkox.

MÜNCHUAK-TSAI 10:15

Chichangchizangkya hia ochax khünakbu tsak-zong akhix awütkox; hwome mokkya othai mwot hanpakma hwom sikangün kox hwome ibu mwot danle matox-matoxle.

ESTAR 7:10

Ikhoma Haman a chixe Mordekai lang angkya hanpakma zingkya dangzembu ma afünle lang. Ile tix wanghompa ang mongtsik dang.

2 PUKAX-PANGAO 25:16

Ija kax apale Amaziah-e thüi: “Chemtu makhange kwome nang wanghom zün angkya wangnak-wangshem ang achang daopu? Nange taxakax ngo, kue nang langle awüt langa!” Ajepa kax zak, ikoxlechu chixe ija kax tsuakle tox: “Nange ibu mwot mokkya hia ku zünkax-saikax to na chithale changkya khoma, athaxpi Jowanpa nang mik amüt angkya mongzangwünle tsuakdaoale kue awandaoa.”

1 SAMUEL 25:39

Chemtue Dawid-e Nabal zikya zing atatpuix, chixe thüi: “Nomfui, Jowanpa; ku ajaokya khoma chixe Nabal to olüix khomdaoa ilaxle chix dapa kue thaile mokse pa abaxdaoa. Jowanpae Nabal to chix ochax khoma sikangündaoa.”

1 SAMUEL 25:29

Owawae nang to chakmok-janlang ilaxle lang ang tungle jangchang, Jowanpa nang Zang-e, khünakbue ma thalix tuina sünle thompupule sünle thomüi. Ikoxle nang zanpabu a, khünak tuitae jandao long tswonle awütpupule Jowanpae tswonle awütüi.

TSAITONG-KAXTONG 2:30

“Ikoxlechu wanghompa Sihon-e chix chaxwan makhange kwomle ang chitom. Athax keme kople tüikya chix haxtok kem ang kop ang tom angkya hanpakma, chix kem füi azanle naxchang tamchu keme chix to lütle naxchangle Jowanpae chix mongtsak ang tom.