MÜNCHUAK-TSAI 48:14 - OTSAO BAIBEL (BSI)

¹⁴ “Ija Zang a othuithuima kem Zang changle; mahüikya hanpak pangnu ma chixe kem lomzunüi.”

MÜNCHUAK-TSAI 48:14 ပူးပေါင်းရင်းမြစ်များ

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

MÜNCHUAK-TSAI 73:24

Nange adangle fakya füi ku lom azüi ilaxle oshukma nange ku achuakachenle pongle kop angkya changle.

JUHAN 16:13

Ile changkoxchu, Otsao Chasa nguikya zuma, otsingtsing pangnu hato chixe hünzom zun angkya changle. Chixe ma mongtex ma chiakaxüi, ikoxle chempang chixe atat puix, ijabu bama tamchu hüi angkya chempang tüipuix, ijabu bama chixe hünzom ang awan ang tomüi.

MÜNCHUAK-TSAI 25:9

Puinaikyabu chixe sukya lomtang to zun, hwom hama chix mongtex anwot-anole kox.

MÜNCHUAK-TSAI 73:26

Ku tutex hia tsangtsa azu lechu chang koxlax, ikoxle Zang a ku tsak-zong changle; othuithuima kue lomkya a chix tix changpu.

MÜNCHUAK-TSAI 31:14

Ikoxlechu ku mongong nang ma thompu, O Jowanpa; nang a ku Zang changle.

MÜNCHUAK-TSAI 16:2

Kue Jowanpa ang thüipu: “Nang a ku Jowanpa changle; ku ma tüikya müikya oli pangwüi nang makhange tix hüipu.”

WANWÜNKAX 8:20

Ku otsao khünakbu lomtang ma ahampu; kue sukya kaxfün lomtangbu topu.

MANGSOP 3:21

Ikoxlechu kue ija oli tuita ajang pongma monghom tamchatle nguile:

HUAKE LAIPEX 9:22

Nyixta anyi wüi changlax, lyetjang tuita wüi changlax, zanglao tuita wüi changlax chichangba ifüi sühomle chuwüi changlax, Nyihom tok ma zangfwom ngokya kople, hwom onui angkya chiachex; ikoxle chemtue ija ding to dongpuix, hwom achex.

2 SAMUEL 7:24

Nange Israel nok a othuithuima nang khünaknu ang zing, ilaxle Jowanpa, nang a hwom Zang ang achang.

MÜNCHUAK-TSAI 71:18

Athax ku azudaoa ilaxle kho thole changdaoa, O Zang, ku danle taxtox! Kue nang tsak-zong hia janzüi bama khuapule changpongma ku füi ngohüi hüile ngokya tsüntsün ma a.