MÜNCHUAK-TSAI 43:1 - OTSAO BAIBEL (BSI)

¹ O Zang, ku a chemmün chiawankya changle le ngaifa, üntoxle Zang chilaxle tüikyabue ku ma tsaitox-kaxfele tüikya chak tokya ku kho-awale thomfa; tsetwon-khualop hia ochax khünakbu chak tokya azünfa!

MÜNCHUAK-TSAI 43:1 ပူးပေါင်းရင်းမြစ်များ

MÜNCHUAK-TSAI 35:1

Jowanpa, ku lomtsyenkyabu lomtsyenkox, üntoxle ku füi azankyabu zan to kakox!

MÜNCHUAK-TSAI 26:1

Jowanpa, ija bama kue chemchu müntik koxa, le ngaifa, chemthüikoxle kue chem supuix ija mokwüi ilaxle komkaile mongong thompu.

MÜNCHUAK-TSAI 7:8

Nang a khünaknu pangnu kaxfünpa changle. Kuchi ma sele kaxfün fahüi, O Jowanpa; nange awan ngopu ku a chemmün chiawankya mix changpule.

MÜNCHUAK-TSAI 35:24

O Jowanpa, nang a otsao changle, idaile nange ku a chemmün chiawankya changle le ngaohüi; ku zanpabue ku chanyi-wanjaile chang ang taxtom.

1 SAMUEL 24:15

Jowanpae kaxfün faüi, chixe künyi opupu thaipuix ija bama chixe zünüi. Zangwün tsaitong-kaxza to chixe hulaxle, nang chak tokya chixe ku khosele tamchu khosünle naxchang.”

MÜNCHUAK-TSAI 71:4

Ku Zang, chichang-chizangkyabu chak tokya ku azünhüi, mongtsik mix hia ochax khünakbu chak tokya a.

MÜNCHUAK-TSAI 5:6

Atsekya pangwüi nange olithule changnong-pünthomkya hia dyen-ngankya pangwüi nange ahaile.

MIKA 7:9

Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

1 PITAR 2:23

Chix adix-ada pongma anongle chixe adix-adale chichang; chix sikangün pongma chixe aza-anale chichang; ikoxlechu otsingtsing kaxfünpa, Zang ma chix monghom thom.

1 KORIN 4:4

Ku khangka tsaotha le tüile, ikoxlechu ijae ku sukya mix changpu le ahoüi münchang. Ku bama kaxfün angkya a Jowanpa changle.

WANWÜNKAX 23:11

Jowanpa a hwom khose angkya janzüi changpu, ilaxle ija zangwün bama chix nang füi alaüi.

WANWÜNKAX 22:23

Ija tsetwon-zangwün ma hwom khosele Jowanpa ajongüi ilaxle hwom to aza-anale changkyabu to chixe aza-anale changüi.

MÜNCHUAK-TSAI 75:7

Zang tix kaxfünpa changle, züizüi omüt ang achangüi ilaxle züizüi a sukya ang achangüi.

2 SAMUEL 16:20

Ifüima Absalom-e Ahithofel chito aküile hulaxle chix ang thüi: “Athax keme ikha alopüna, nange kwom ang chemmok angkya apuale faüi?”

2 SAMUEL 15:31

Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”

2 SAMUEL 18:8

Azankya chamtua-chamtua to chiakle pao, ilaxle zan ma maxkya to kaile khünaknu faokha ma max.

MÜNCHUAK-TSAI 7:7

idaile khünaknu pangwüi nang akhople apüikox, üntoxle thakchi tokhange hwom to apünkox.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

MÜNCHUAK-TSAI 54:3

Ongam füikya khünakbu ku to sing ang hüile; mongtsik-mongma füikya khünakbue ku lang ang tungle: Zang bama chem tuitex chitüikya khünakbue a. Selah

MÜNCHUAK-TSAI 140:5

Kün-ngam mongngam füikya khünakbue ku aman angkya kam akhünle thomdaoa, ilaxle zi füi hwome nya thadaoa, lommun ma hwome ku aman ang kambu thadaoa. Selah