MÜNCHUAK-TSAI 42:9 - OTSAO BAIBEL (BSI)

⁹ Zang, ku khosepa ang kue thüipu, “Nange ku büthüikoxle alakpu? Ku zanpabu zothup chak ma ku büthüikoxle sikngünlanle ngo ang tompu?”

MÜNCHUAK-TSAI 42:9 ပူးပေါင်းရင်းမြစ်များ

MÜNCHUAK-TSAI 38:6

Ku mongkat ochax lom to kakya khoma, ku a thule akhündaoa; ku a nyixtungtale mongmaxle sop.

MÜNCHUAK-TSAI 43:2

Nang a ku zia kop pupa; nange ku büthüikoxle dantoxpu? Ojao chingcha chitüikya zanpabu chak to ku büthüikoxle sikngünlanle ngo ang tompu?

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

ISAIA 40:27

Israel, jangchangba nange chem ang kaxthup-ngaotünle Jowanpae hünzom sikngün müntik chichangba olom ma chichangkya sikngün apongkya to münhule le thüipu?

MÜNCHUAK-TSAI 62:2

Chix tatae tix ku kho awale koppu; ku ziakople thom angkya chix tata wüi, ilaxle ku to otuechu münlütüi.

MÜNCHUAK-TSAI 28:1

O Jowanpa, ku khosekya mix, kue nang nyakpu. Ku sopkya zing apahüi! Nange ku kaxto chilan thüikoxle, Ku a amalum pan thaikyabu khato wom angkya changle.

ISAIA 49:15

Ikhoma Jowanpae lan: “Honu tuitae ma naosa alak ang tho ang cha tamchu she-e ngünkya nao to chikün-chiluale tüi ang cha? Onu tuita ma naosa tuita alak ang thokoxle chu, kue hünzom alak ang müntho.

HWON-NWOT-JAONO 4:1

Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.

MÜNCHUAK-TSAI 88:9

sikngün makhange ku mikbu ashole max. Jowanpa, nyixfokya to kue nang nyakpu ilaxle nang to zangjople ku chakbu nwonpu.

MÜNCHUAK-TSAI 78:35

Zang a hwom kho-awapa changkya, ilaxle hwom to fong ang Khüthak Zang hwom to fong ang nguikya hwome texle atak.

MÜNCHUAK-TSAI 77:9

Zang-e chingcha angkya alakdao pia? Chingchajaja lüima mongtsike mix onui laxdao pia?” Selah

MÜNCHUAK-TSAI 55:3

Ku zanpabue aza-anakya thoto ku a chabüt-lasünle maxle, chichang-chizangkya khünakbue afangle thomkyae ku thule akhünle. Hwome ku hato sikngün apüile; hwome ku füi mongtsikle üntoxle ku to miktsakle.

MÜNCHUAK-TSAI 13:1

Nange ku chemtukux alakle thomüi, Jowanpa? Othuithuima hia? Ku thoto nang chemtukux azwonle ngoüi?

MÜNCHUAK-TSAI 92:3

janzi füi title zingkya waxmaibu füi üntoxle dingno tomtomle thuaput angaokyabu füi.